(VIDEO) Hyn me shpejtësi në kthesë, i riu përplaset me makinë tek muri

Pamjet që shihni tregojnë momentin e një aksidenti në Vlorë, ku një i ri në timon humbi kontrollin e mjetit dhe u përplas me një mur. Ngjarja ndodhi ditën e djeshme rreth orës 19:30, në aksin rrugor Vlorë-Babicë.

Nga pamjet që janë filmuar nga kamerat e sigurisë, duket se mjeti që drejtonte 21-vjeçari me inicialet E. H ka hyrë me shpejtësi në kthesë dhe për pasojë ka humbur kontrollin, duke u përplasur fuqishëm me murin e një ndërtese.

Të shumtë kanë qenë kalimtarët e rastit dhe drejtues mjetesh që i kanë ofruar ndihmën e parë të plagosurit. Ky i fundit fatmirësisht ndodhet jashtë rrezikut për jetën, në spital.