(Video) Pamje trishtuese nga Aeroporti i Kabulit, njerëzit përpiqen të ikin

Trupat amerikane gjuajtën në ajër në aeroportin e Kabulit, sipas mediave të huaja, ndërsa mijëra afganë mbushën pistën duke u përpjekur të “kapnin” një fluturim për jashtë Afganistanit.

“Ndihem shumë i frikësuar këtu. Ata po gjuajnë shumë të shtëna në ajër”, citohet të ketë thënë një dëshmitar për AFP.

Ndërkohë janë shfaqur disa video të njerëzve që vrapojnë në pistat e aeroportit dhe përpiqen të hipin në fluturime.

Në këtë drejtim raportohet se fluturimeve amerikane që transportojnë staf diplomatik jashtë vendit janë duke iu dhënë përparësi, duke shkaktuar zemërim dhe duke çuar në më shumë kaos dhe konfuzion.

Ndërkohë, afganët janë zgjuar në një ditë me një udhëheqje të re disa orë pasi talebanët morën kryeqytetin Kabul dhe shpallën fitoren.

revista.one/