Babai nga Kamza bën për spital vajzën e tij 6-vjeçare, dyshohet edhe për përdhunim

Një ngjarje e rëndë është regjistruar ditën e sotme në zonën e Kamzës. Një baba 27-vjeçar është arrestuar nga policia e Tiranës pasi ka dhunuar vajzën e tij vetëm 6 vjeçe.

Denoncimi për dhunë ndaj të miturës nga babai i saj në Kamëz është bërë ditën e premte nga e ëma.

Burimet thonë se gjendja shëndetësore e të miturës është e rëndë.

Ajo ka pësuar fraktura të rëndë në trup kryesisht nga goditjet e forta në gjymtyrë dhe në fundshpinë.

Blutë e komisariatit nr. 5 kanë bërë menjëherë arrestimin e babait të së miturës shtetasin R.K., 27 vjeç.

Denoncimi nga nëna e të miturës është bërë për dhunë fizike, ndërsa të miturës po i bëhen kontrolle mjeko-ligjore pasi ka dyshime edhe për abuzim seksual, diçka e cila nuk është konfirmuar ende.

Në dëshminë e saj para bluve të Kamzës, nëna e të miturës rrëfen se kur është kthyer nga puna ka konstatuar dhunën barbare të të atit kundrejt të bijës dhe më pas ka njoftuar policinë.

“Nga specialistët për Hetimin e Krimit në Komisariatin e Policisë Nr.5 u bë arrestimi në flagrancë i shtetasit R. K, 27 vjeç, pasi dyshohet se ka ushtruar dhunë ndaj vajzës së tij së mitur, e cila ndodhet në spital, për ndihmë mjekësore.” – bën me dije policia.

Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme.

revista.one/