Aksidenti në Qerret të Durrësit, kush është 18-vjeçarja që humbi jetën (VIDEO)

Gjimnazistja ndërroi jetë në vend kurse motra e saj dhe një tjetër mbetën të plagosura rëndë nga aksidenti. Ky është bilanci i aksidentit të rëndë që ndodhi sonte në aksin rrugor Qerret-Durrës.

Aksidenti u shkaktua nga një automjet tip Mercedez që ka përplasur 3 këmbësoret.

Si pasojë e aksidentit, raportohet se ka humbur jetën 18-vjeçarja Floriana Kolgjini. Ndërkohë që kanë mbetur të plagosur dy të tjera, një prej të cilave motra e viktimës. Nga raportimet mësohet se viktima u godit nga automjeti sapo zbriti nga një furgon, ndërsa ishte nxënëse në vitin e fundit të shkollës së mesme. Sipas dëshmitarëve makina fillimisht ka përplasur një Mercedes, pastaj ka goditur vajzat.

Njoftimi i Policisë:

“Rreth orës 18:40, në aksin rrugor Qerret Durrës, një automjet me drejtues shtetasin A. D., 37 vjeç, ka humbur kontrollin dhe ka përplasur 3 shtetas këmbësor.

Si pasojë e përplasjes ka humbur jetën një shtetase, ndërsa 2 shtetasit e tjerë ndodhen nën kujdesin e mjekëve, jashtë rrezikut për jetën.

Grupi hetimor ndodhet në vendngjarje dhe po punon për sqarimin e rrethanave të aksidentit”, njoftoi Policia. revista.one/