Dua Lipa mbërrin në New York për Samitin “Time 100”

Dua Lipa dukej e thjeshtë ndërsa kalonte përmes Aeroportit Ndërkombëtar “John F. Kennedy” të qytetit të New Yorkut me babanë e saj, Dukagjinin, të hënën.

Këngëtarja 28-vjeçare arriti në ShBA përpara Samitit “TIME100” këtë javë pasi u emërua si një nga njerëzit më me ndikim në botë nga revista “TIME”, shkruan DailyMail.

Ylli i popit, Dua vishte një bluzë jeshile të GAP-it nën një pallto të çiltër të zezë, të cilën e kombinoi me një palë pantallona sportive të rehatshme blu dhe të kuqe.

Ajo e kompletonte pamjen e saj me një palë atlete të zeza dhe mbante me vete një çantë të zezë plot me gjëra personale. Artistja mbante një palë syze me ngjyrë blu ndërsa ecte përmes terminalit.

Babai i Duas, 55-vjeçar, kishte veshur një xhaketë të zezë mbi një bluzë me kapuç në të njëjtën ngjyrë ndërsa ecte përkrah vajzës së tij të famshme.

Ai kishte zgjedhur pantallona të zeza dhe një palë çizme të kafta, dhe mbante me vete një çantë udhëtimi.

Revista “TIME” publikoi listën e tyre vjetore të njëqind njerëzve më me ndikim në botë javën e kaluar. Çdo person në listë nderohet me një mirënjohje të shkruar dhe mirënjohja për Duan u shkrua nga këngëtarja dhe kantautorja amerikane Patti Smith.

Gala vjetore për listën do të mbahet në qytetin e New Yorkut javën e ardhshme më 25 prill. Mbrëmja do të transmetohet në një datë më të vonshme më 12 maj në ABC në ShBA.

Në faqet e revistës, Dua tregoi për kalimin e saj në botën e aktrimit me rolet e saj në filmat “Barbie” dhe “Argylle” gjatë vitit të kaluar.

Interpretuesja e hitit “Dance The Night” përveçse këndoi kolonën zanore, luajti edhe rolin e sirenës “barbie” në film.

Në “Argylle”, ajo bëri një paraqitje të shkurtër si LaGrange dhe luajti rolin e interesit dashuror të personazhit të Henry Cavill, Argylle.

Ajo i tha revistës “TIME” se i referohet këtyre dy roleve si ‘rolet e vogla bebush’.

“Më pëlqeu shumë të isha në shes-xhirim”, tha këngëtarja që u bë aktore. “Më pëlqen ideja e përfshirjes në një karakter të ndryshëm dhe të kem një detyrim. Më pëlqen gjithashtu kur shkoj në një sesion fotografik dhe mund të ndryshoj plotësisht pamjen time”, tha ajo.

“Më pëlqeu të isha në film sepse ishte shumë emocionuese të isha pjesë e diçkaje kaq të veçantë si kjo me një kast të jashtëzakonshëm”, tha Dua për eksperiencën në filmin “Barbie”.

revista.one/