Pse fansat nuk e pëlqejnë të dashurin e Lana Del Rey?
August 30, 2024Këto ditë, jeta private e këngëtares Lana Del Rey është në qendër të vëmendjes. 39-vjeçarja u kap dorë për dore me 56-vjeçarin Jeremy Dufrene në një festival në Leeds, Mbretërinë e Bashkuar.
Pas kësaj, ata u panë duke bërë blerje në Londër dhe më vonë duke darkuar në një restorant. Por siç duket edhe nga videoja më poshtë,. fansave nuk u ka pëlqyer i dashuri i këngëtares.
Kush është Jeremy Dufrene?
I dashuri i ri i Lana Del Rey është baba i dy fëmijëve, i cili punon si kapiten dhe udhërrëfyes në ‘Airboat Tours by Arthur’.
Është një agjenci që lejon turistët të ngasin varkat në kënetat e Luizianës, të cilat janë plot me aligatorë, çafka, skifterë dhe kafshë të tjera që jetojnë atje, shkruan DailyMail.
Edhe mediat e huaja deklarojnë se Jeremy është një adhurues i madh i aligatorëve dhe ndonëse profili i tij në Instagram është i mbyllur për publikun, në foton e tij të profilit shihet duke pozuar mbi një aligator dhe duke e puthur në kokë.
Në biografinë e tij në faqen e agjencisë së lartpërmendur, shkruhet se më parë ka punuar në një fabrikë.
Ata njihen prej pesë vitesh
Lana dhe i dashuri i saj i ri u takuan në vitin 2019 kur ajo ishte vizitore në një nga turet turistike në moçal.
“Jeremy më lejoi të jem kapiten në turnetë me varkën e Arthur”, shkroi ajo në atë kohë së bashku me disa foto së bashku në Facebook.
Gjithashtu, ai më pas ka publikuar edhe një foto të tyre duke pozuar së bashku dhe ka shkruar: “Nuk e di se me kë mund të hasësh… Ishte kënaqësi Lana”.
revista.one/
