Pas deklaratës së Ledrit për ndarjen e tyre, Sara Hoxha reagon me një veprim të papritur

Sara Hoxha ka reaguar për herë të parë pas deklaratës që ish-partneri i saj Ledri Vula bëri për ndarjen e tyre në emisionin e Arbana Osmanit “Mirëmbrëma Yje”.

Blogerja ka zhdukur nga rrjetet sociale të gjitha fotot që kishte me reperin që prej fillimit të lidhjes së tyre. Ledri ka qenë i pari ai që ka hequr fotot për shkak të projekteve të tij muzikore, ndërsa Sara vijonte të mbante ende në profil të gjitha kujtimet.

Një natë më parë, Ledri foli për herë të parë për ndarjen, duke theksuar se nuk i vjen keq për asgjë tjetër në lidhje me këtë raport, përveç vajzës së tyre, Poem Vula.

Ai u shpreh në një moment se lidhja e tyre ka qenë shumë publike për shkak të profilit të tij si artist, por shtoi se ndoshta nëse Sara do kishte qenë më private, sot mund të ishin ende bashkë.

Ledri Vula bëri një zbulim të veçantë gjatë premierës së emisionit të ri të Arbana Osmanit, ku për herë të parë foli hapur për një tatuazh personal të lidhur me jetën e tij të mëparshme.

Ndërsa diskutohej tema e tatuazheve me domethënie, Ledri pranoi se mban ende të shkruar në trup datëlindjen e ish-partneres së tij, Sara Hoxhës.

Pavarësisht se kanë ecur përpara në jetët e tyre, Ledri tregoi se nuk e ka ndërmend ta heqë këtë tatuazh, duke e cilësuar atë si një kujtim të veçantë dhe të pandryshueshëm.

Ai ndau se çdo tatuazh mbart një histori dhe për të, kjo shifër në trup mbetet një simbol i rëndësishëm, që i kujton momentet e ndara me Sarën.

revista.one/