U zëvendësua nga Santiana Maloku, Olta Gixhari zbulon se pse s’ishte e pranishme në BBVK

Olta Gixhari nuk ishte pjesë e spektaklit të mbrëmjes së kaluar të Big Brother VIP Kosova. Në karrigen e saj të opinionistes u ul ish-banorja e edicionit të dytë, Santiana Maloku.

Santiana, e cila bëri bujë gjatë pjesëmarrjes së saj në Big Brother VIP Kosova, është ftuar për të dhënë mendimet dhe komentet e saj mbi zhvillimet e fundit në shtëpi.

Ky ndryshim ka tërhequr vëmendjen e publikut, duke shtuar një dimension të ri dhe dinamizëm në komentet mbi situatat e krijuara mes konkurrentëve. Po ashtu ka ngjallur kuriozitet dhe pritshmëri tek shikuesit, duke i bërë ata të presin me padurim reagimet e Santianës.

Në një postim në Instagram, Olta ka sqaruar ndjekësit për arsyen e mungesës së saj, që ishte për shkak të temperaturës.

Megjithatë, Olta po e ndiqte spektaklin nga shtëpia dhe ndau një foto në rrjetet sociale. “Jam me temperaturë, prandaj nuk munda. Po i ndjek kolegët”, ka shkruar Olta.

revista.one/