Acarohen marrëdhëniet, G Bani tenton të godasë me grusht Gjestin

Në shtëpinë e Big Brother VIP Albania 4 nuk po mungojnë debatet e ashpra mes banorëve. Një prej tyre është dhe ai i Gjestit dhe G Banit, të cilët e nisën ditën e së martës me një përplasje mes tyre.

Gjesti tentoi ta zgjonte G Banin duke i shkuar në krevat, me këtë të fundit që nuk e priti aspak mirë veprimin e banorit, teksa filloi ta ndiqte nga pas.

Edhe pse nuk pati fjalë midis tyre, në disa momente G Bani u duk sikur do të godiste me grusht Gjestin dhe gjithashtu i shkonte në fytyrë.

Këto pamje u bënë virale në platforma të ndryshme sociale duke u konsideruar si ‘dhunë’ nga ana e reperit. Në shtëpi ndodhet edhe një zarf i zi, ku me këtë rast u anulua edhe televotimi.

Pritet të shihet se kush do të dalë dhe çfarë do të ndodhë me konkurrentët.

G Bani ka pasur edhe një përplasje tjetër me Gjestin pasmesnatës në Big Brother VIP Albania 4.

Kjo duket të ketë nisur nga reperi, pasi e akuzoi këngëtarin pejan se ia ka prishur gjumin. E pas kësaj, ai u zgjua dhe u konfrontua me të duke e ofenduar në fjalë nga më të ndryshmet.

G Bani iu drejtua disa herë Gjestit me fjalët: “Ti nuk ke lidhje me shqiptarët, vetëm shqiptar nuk je. Je i pabesë”.

Artisti nga Kosova u mundua që ta ruante qetësinë dhe t’ia kthente atij në një formë tjetër. E veç kësaj, G Bani pati përplasje edhe me Gerta Gixharin dhe banoren tjetër Egli Tako.

revista.one/