Pas përjashtimit të Jozit reagon familja e Gjestit: Ai është gjak shqiptari

Familja e Gjestit ka reaguar pas përjashtimit të Jozit nga Big Brother VIP Albania, i cili u largua nga gara për shkak të ofendimeve të rënda ndaj Gjestit.

Në një postim në profilin zyrtar të Gjestit në Instagram, familja e tij ka shprehur qëndrimin e saj me një mesazh të shkurtër, por kuptimplotë:

“Gjesti është gjak shqiptari” – thuhet në postim, duke lënë të kuptohet se ata janë krenarë për sjelljen e tij në shtëpi dhe për mënyrën se si ai ka përballuar situatën.

Kujtojmë se Jozi u përjashtua nga gara pasi gjatë një debati me Gjestin përdori një shprehje të rëndë fyese duke e quajtur “k*pil shkine”.

Ky veprim shkaktoi shumë reagime në rrjetet sociale, duke bërë që Vëllai i Madh të marrë masën e menjëhershme të largimit të tij nga shtëpia.

Vendimi për përjashtimin e Jozit është komentuar gjerësisht nga publiku, me shumë ndjekës që e konsiderojnë të drejtë, duke theksuar se çdo formë diskriminimi dhe fyerjeje e rëndë nuk duhet të tolerohet në një format si Big Brother VIP Albania.

Vëllai i Madh theksoi se një sjellje e tillë nuk do të tolerohej dhe Jozefini u njoftua për përjashtimin e tij. Ndërkohë që po përshëndetej me banorët, banori nuk hezitoi t’i drejtohej sërish Gjestit me një tjetër deklaratë të pahijshme, duke i thënë: “Ti nuk ke gjak shqiptari”.

Ky vendim i produksionit ka dërguar një mesazh të fortë kundër gjuhës së urrejtjes dhe diskriminimit, duke treguar se “Big Brother VIP Albania” nuk do të tolerojë sjellje të tilla në program

revista.one/