Distria Krasniqi mposht për 25 sekonda kundërshtaren serbe

Xhudistja kosovare, Distria Krasniqi është kualifikuar në finale të Grand Prix Upper Austria që po mbahet në Linz të Austrisë, në kategorinë deri në 52 kilogramë.

Distria i ka renditur fitoret një nga një në ditën e sotme, duke filluar nga raundi i dytë, te lufta në çerekfinale dhe tashmë në gjysmëfinale.

Distria e ka nisur në mënyrë të përkryer garën për medalje në Linz Grand Prix, duke fituar në raundin e dytë, por edhe në çerekfinale. Pasi mposhti me ippon në raundin e dytë amerikanen, Jenna Schurr, njësoj veproj edhe me kundërshtaren e radhës.

‘Viktima’ e eadhCs e Distrias ishte serbja Nikolina Nisavic, e cila gjithashtu u mposht me ippon për vetëm 25 sekonda. Në gjysmëfinale, xhudistja pejane u ndesh me Reka Pupp të Hungarisë, të cilën gjithashtu e mposhti me ‘waza-ari’ pa shumë vështirësi.

Kështu, Distria është kualifikuar në finale, ku ka siguruar tashmë medaljen e argjendtë dhe të luftojë për të artën me japonezen Iroha Oi.