“Ku janë ata që më quajtën dhunuese? A nuk kanë guxim…”/ Xheneta ngacmon Gjestin: Më ke puthur dhe gishtat e këmbës…

Ish-e dashura e Gjestit, Xheneta, ka hyrë mbrëmjen e sotme në shtëpinë më të famshme në Shqipëri, “Big Brother VIP 4”. Ajo është bërë pjesë e sfidës që Vëllai i Madh ka për banorët, të cilët nuk duhet të reagojnë ndaj asnjë gjëje të re që ndodh aty brenda.

Në momentin që Xheneta hyri, Gjesti ishte në gjumë në lavanderi. Por fillmisht ajo shkoi jashtë ku ishin banorët dhe Ola e prishi sfidën pasi reagoi duke i dhënë dorën dhe duke e pyetur se si është. Më pas banorja i thotë Xhenetës që t’i tregojë shtëpinë.

Fetahu shkon te lavanderia ku ishte Gjesti, i cili u habit kur e pa atë në lavanderi.

“Besoj se dikë e kam mësuar që të pastrojë rroba”, tha Xheneta duke ngacmuar Gjestin. Teksa ky i fundit po qeshte me Rozanën, ajo ia bën “mos qeshni, mos qeshni”.

“A këtu janë bërë të gjitha thashethemet për mua? Ku janë ata që më quajnë mua dhunuese? A nuk kanë guxim me ardhë me mi thënë gjërat në sy?”.

Xheneta i kujtoi Gjestit puthjet e tyre, madhe duke thënë se ai i ka puthur dhe gishtat e këmbës. Gjesti ndërkohë nuk reagoi dhe vijoi bisedën me banorët.

Xheneta ndërkohë, nuk i ndali ngacmimet. Nga ana tjetër, edhe Gjesti nuk nguroi ta ironizonte.

Gjatë një bisede me Rozanën, banori e cilësoi Xhenetën si një “hije që nuk ekziston”, duke shtuar se nuk do ta shohë më.

“Më dalin disa hije nëpër cepa. Janë hije pashpirt, nuk ekzistojnë. Janë hije që nuk dua ti shoh më me sy.”- u shpreh Gjesti.

Sfida ka nisur dje, ku në shtëpi hyri fituesja e edicionit të tretë të BBV, Egla Ceno, e cila krijoi mjaft situata dhe banorët reaguan. Ndërkohë sot u bë pjesë e kësaj sfide aktori i njohur i “Portokallisë”, Juxhin Plovishti, i cili imiton Vserlon.

Për më tepër, u transmetua edhe intervista e Jozit për Loredanën jashtë, shoqëruar me këngën dedikuar asaj të cilën banorja e dëgjoi për herë të parë.

Por jo vetëm kaq, pasi ka patur edhe disa ‘ngacmime’ nga ana e Vëllait të Madh, që banorët kanë reaguar dhe më pas janë kujtuar se është pjesë e sfidës së mos reagimeve.

revista.one/