Egli e lidhur me një instruktor palestre? Kunati i banores sqaron të vërtetën

Kunati i Egli Takos, Xhulio Todhe, ka dhënë sot një intervistë për emisionin “Fan Club”, ku ka sqaruar nëse ka një lidhje jashtë shtëpisë së “Big Brother VIP 4” banorja.

Ish-banori i këtij edicioni, Gert Ferra, deklaroi në “Big Brother Radio” se Egli është e lidhur me një instructor palestre që quhet Mario. Sipas tij, ai e ka shoqëruar atë në ambientet e Top Channel që ditën e parë.

Lidhur me këtë, Xhulio u shpreh se ka qenë ai që e ka shoqëruar kunatën që nga dita e parë dhe këtë mund t’a vërtetojnë të gjithë.

Në lidhje me Marion, Todhe u shpreh se e njeh prej vitesh dhe se janë miq.

Pjesë nga intervista:

Çfarë ke për të thënë rreth këtyre deklaratave të bëra për Eglin?

Më duken qesharake se çfarë nuk po dëgjojmë e shikojmë. Shohim njëri-tjetrin në shtëpi dhe qeshim. Kanë dalë shumë vetë dhe flasin sikur kanë folur me familjarët e Eglit, po familjar i Eglit jam unë dhe nusja ime.

Ke qenë ti personi që ka shoqëruar Eglin në Top Channel?

E kam shoqëruar që nga dita e parë dhe vazhdoj të shkoj te Top Channel, më njohin të gjithë. Nuk e di nga i shohim këto filma.

Pse mendon se bëhen këto deklarata të rreme?

Shiko kush i bën, do pak vëmendje, është normale.

Ti e mohon kategorikisht deklaratat?

Shumë e lehtë për t’a zgjidhur. E dine të gjithë aty, që nga zotërinjt te trau që më kanë parë që ditën e parë që e kam çua e deri më sot, e deri në fund të kësaj eksperience.

Marion, djalin në fjalë e njeh?

Po, e kam shok, kam vite që e njoh, është instruktor palestre. Nuk ka asgjë të keqe se këtu në Shqipëri kështu funksionon, t’a bëjnë këdo dashnor.

Është edhe mik i Eglit?

Po. Thjesht këta që flasin shohin lajme të 2002-2003 dhe fillojnë e flasin për vëmendje.

revista.one/