Prindërit e Gjestit i dërgojnë mesazhin e parë familjes së Eglit

Gjatë prime-t të së martës, Gjesti mori një surprizë shumë të bukur pasi pas shumë muajsh u takua me prindërit e tij. Mes lotësh, ata u përqafuan dhe u çmallën me njëri-tjetrin.

Prindërit e banorit të shtëpisë më të famshme në Shqipëri, “Big Brother VIP 4”, kanë dhënë menjëherë pas takimit me djalin e tyre një intervistë për “Fan Club”.

“Shumë vështirë, mall plotë, nuk munda të qaja, me e mërzitur”, tha e ëma e Gjestit.

Prindërit e banorit komentuan edhe debatet e tij me G-Banin dhe Jozin, ku duket se janë prekur shumë me deklaratat e këtij të fundit.

Pjesë nga intervista:

Sa ndryshe nga djali që ju njihni jashtë BBV, ju është dukur Gjesti?

Mami: I njëjti është pak a shumë si në shtëpi, është i qetë, i sjellshëm, nuk ofendon. Këtu mendoj se shumë presion.

Babai: Shumë kohë e gjatë dhe normal që mërzitet

Si i keni përjetuar debatet e Gjestit me G-Banin?

Babai: Kjo është lojë, mundet me pas pak përçarje, po sërish rrinë bashkë. Me G-Banin kanë patur pak mosmarrëveshje po unë e kam parë në disa vende ku G-Bani e ka puthur dhe në kokë, kanë patur shoqëri sërish. Edhe kur doli ai për here të dytë, Gjesti pyeti si e ka babain. Nuk kemi urrejtje se është lojë.

Po situata me Jozin ju ka prekur?

Babai: Na ka prekur pak ajo situatë, se ne e dimë që Kosovë Shqipëri jemi një, kemi një gjak dhe një nënë shqiptare. Nëse ai e keqpërdor një nënë shqiptare edhe ai keqpërdor edhe veten.

Mami: Nëse Gjesti ia ka kthyer në të njëjtën mënyrë ka patur të drejtë edhe ai, po Gjesti nuk ka ofenduar asnjë njeri aty.

Por jo vetëm kaq, pasi ata u pyetën edhe në lidhje me raportin e Gjestit me Eglin, ku shprehën respekt për banoren dhe familjen e saj.

“E gjitha varet nga ata të dy, ne prindërit çfarëdo që të ndodhë e përkrahim”, tha babai i Gjestit kur u pyet nëse mund të ketë një romance mes tyre.

Pjesë nga intervista:

Në raport me Eglin çfarë mund të na thoni dy fjalë?

Babai: E falenderojmë shumë dhe respekte për familjen e Eglit, edhe për çdo gjë që kërkoi falje Gjesti, kërkojmë edhe ne Eglit dhe familjes së saj. Nuk kemi qejf në asnjë moment me vendos në pozitë të keqe, kemi qejf me e parë sa më të lumtur dhe suksese gjithë jetën.

A mendoni se do lindë një romance mes tyre?

Mami: S’e di.

Babai: E gjitha varet nga ata të dy, ne prindërit çfarëdo që të ndodhë e përkrahim.

Sipas jush, kush është kundërshtari/ja e tij më e fortë në lojë?

Babai: Nuk e di, të gjithë janë të fortë, nuk mund të bëj dallime.

Po nëse Gjesti del kokë më kokë me Eglin në finale?

Babai: Kokë më kokë kam qejf o me fituar të dy, ose me dale të dy.

revista.one/