“U kry çdo sen”, Gjesti shpallet fitues i Big Brother VIP Albania 4

Pas një sezoni plot emocione dhe ngjarje të papritura, Big Brother VIP Albania 4, ka mbyllur dyert e tij me shpalljen e fituesit, Gjestin.

.Gjesti, i cili ka qenë një nga personazhet më të komentuar dhe të dashur për publikun gjatë gjithë rrugëtimit të tij në shtëpinë e Big Brother, u shpall fitues në një finale të mbushur me emocione dhe surpriza.

Ai ka treguar gjatë gjithë edicionit se është një lojtar me një energji pozitive që ka ndikuar në çdo hap të aventurës së tij brenda shtëpisë.

Me batutat e tij, miqësitë që ka ndërtuar dhe përkushtimin ndaj çdo detaji të eksperiencës së tij në shtëpi, ai ka fituar zemrat e publikut shqiptar. Në momentin kur u shpall fitues, atmosfera ishte elektrizuese.

Me këtë titull, Gjesti është tashmë një ndër personazhet më të njohur dhe më të dashur të këtij edicioni, dhe natyrisht, ai do të mbetet një emër i rëndësishëm në historinë e Big Brother VIP Albania.

Rozana Radi u shpall zyrtarisht fituesja e vendit të dytë, pas një rrugëtimi të jashtëzakonshëm brenda shtëpisë më të famshme në vend.

E njohur për qëndrimet e saj të forta, sinqeritetin dhe shpirtin luftarak, Rozana ishte një nga figurat më të spikatura të këtij edicioni.

Artistja, e cila prej vitesh ka lënë gjurmë në muzikë dhe art, tregoi se është po aq e fuqishme edhe në një realitet krejt ndryshe – atë të një loje psikologjike e emocionale, ku durimi, mençuria dhe karakteri testohen çdo ditë.

Një nga momentet më të forta të këtij edicioni të Big Brother ndodhi pikërisht me Gjestin, i cili u përball me një surprizë të veçantë.

Në kutinë e Gjestit ai gjeti një mikrofon, simbolikë që do ta çonte në një udhëtim tjetër – largimin e tij nga shtëpia me sy të mbyllur.

Ai u ftua në një skenë të madhe, ku e pritën me dashuri dhe entuziazëm fansat e tij dhe familjarët, të cilët kishin ardhur për ta përkrahur në një nga momentet më të rëndësishme të jetës së tij jashtë shtëpisë.

Në atë atmosferë të zjarrtë, Gjesti performoi këngën e tij “Princeshë”, një këngë e dashur për publikun dhe e mbushur me emocion.

Në mes të performancës, ai shihet duke u përlotur, teksa emocionet marrin përkohësisht kontrollin dhe nuk arrin të vazhdojë.

ë atë atmosferë të zjarrtë, Gjesti performoi këngën e tij “Princeshë”, një këngë e dashur për publikun dhe e mbushur me emocion.

Në mes të performancës, ai shihet duke u përlotur, teksa emocionet marrin përkohësisht kontrollin dhe nuk arrin të vazhdojë.

Pas pak çastesh, mbledh veten dhe e çon deri në fund këngën, mes duartrokitjesh dhe brohorimave.

Pas performancës, në skenë del motra e tij e cila e përqafon fort, ndërsa menjëherë pas saj vjen edhe vëllai, dhe të dy e marrin Gjestin për të takuar prindërit e tij, të cilët e pritën me krahë hapur dhe krenari të madhe.

revista.one/