“U bëra baba i dy vajzave 3 vite më parë në Shqipëri”, këngëtari Ermal Meta: I takova në jetimore

Këngëtari i famshëm shqiptar, Ermal Meta tregoi për “Vanity Fair” se e vogla Fortuna Marie, e lindur në qershor 2024, nuk është vajza e tij e parë.

Ai dhe partnerja e tij Chiara Sturda u bënë prindër tre vite më parë, kur takuan dy vajza në një jetimore në Shqipëri.

Duke qenë se nuk ishin të martuar, nuk mundën t’i adoptonin, por në qershor do të mbushin 18 vjeç dhe do të vijnë në Itali për të jetuar me ta.

“E pashë kaq të vogël, kaq të pambrojtur ”, tha këngëtari. Duke folur për dyshimet që kishte për veten e tij përpara se të bëhej baba, ai tregoi se tashmë është bërë prind : “Unë dhe partnerja ime Chiara do të kemi së shpejti me vete dy vajzat tona të tjera, të cilat deri më tani kanë qenë në një jetimore në Shqipëri. I kemi njohur kur ishin 15 vjeç, por, duke mos qenë të martuar, nuk mund t’i birësonim. Në qershor ata do të mbushin 18 vjeç dhe do të mund të vijnë me ne.

“Ne shihemi gjatë gjithë kohës, që atëherë, shkojmë t’i vizitojmë, tani do vijnë këtu ”. Ai e kuptoi se ishte bërë babai i tyre në momentin kur u larguan në Itali: “Një verë, kuptova se nuk mund të bëja më pa to “.

“Më merr në telefon dhe më thotë se janë në qytet për të bërë një fushatë bamirësie. Kështu që u përpoqa t’i shoh, shkoj i marr dhe dalim për drekë. Unë isha në makinë me to, në një moment kthehem dhe them: Vajza, çfarë keni për të bërë këtë verë? ‘Ah, jo, asgjë.’ Nëse doni të vini me pushime me mua dhe Chiara-n….Kur morën vesh që Chiara ishte shtatzënë, u gëzuan pa masë: Ishte një moment i jashtëzakonshëm. Ata u shikuan me njëra-tjetrën… Unë i qetësova menjëherë: Asgjë nuk do të ndryshojë, do të keni një motër shtesë”.

revista.one/