‘Sa dhjetë shqiptare,’ familja e Sasës me reagim publik mbi deklaratën për gjyshen serbe

Familja e banores së Big Brother VIP Kosova, Sasa Hoda, ka reaguar me një deklaratë të detajuar për publikun, pas shprehjes së saj të bërë mbrëmë në lidhje me gjyshen.

Ata kërkojnë të sqarojnë një keqkuptim të rëndë të dalë nga ajo që ata e quajnë një deklaratë e gabuar e bërë nga Sasa nën presion emocional.

Sqarimi i deklaratës dhe vlerat e gjyshes

Familja thekson se shprehja e përdorur nga Sasa ishte e pasaktë dhe e papranueshme, duke mos reflektuar vlerat e familjes dhe as realitetin.

“E vërteta është se gjyshja e tyre, pavarësisht prejardhjes, ka qenë një grua me zemër të madhe, e cila i ka shërbyer njerëzve me humanizëm,” theksojnë familjarët.

“Në kohë të vështira të luftës, ajo ka ndihmuar shumë familje në nevojë, duke ndarë bukë, ofruar strehë dhe mbështetje, dhe njihet në të gjithë qytetin si një shembull i vlerave njerëzore”

Familja thekson se deklarata e Sasës është keqkuptuar, dhe se opinionet e qytetarëve po tentojnë t’i japin një kahje tjetër mesazhit.

Përgjegjësia e tyre është vendosja e të vërtetës për të mos lejuar që një fjali e gabuar të njollosë reputacionin e një gruaje që ka bërë vetëm mirë.

Ata shtojnë se humanizmi i gjyshes është përcjellë edhe te Sasa, të cilën njerëzit poashtu e njohin për vlerat e saj.

Në fund të deklaratës së publikuar në profilin e Sasës në Instagram, familja sqaron kuptimin e shprehjes së debatuar.

Ata sqarojnë se fraza ‘paloj 10 shqiptare’ ka qenë e thënë në kuptimin se gjyshja e tyre ka pasur vlera sa dhjetë shqiptare, e jo në ndonjë kuptim tjetër të gabuar, duke shpresuar që ky sqarim të heqë çdo keqkuptim dhe të rikthejë respektin për figurën e saj.

Nderkohe produksioni transmetoi mbreme pamjet ku Labi provokon Saşën përmes një komenti të ndjeshëm një ditë më parë në shtëpi.

Në klipin e shfaqur, Labi e ngacmon Saşën duke i përmendur gjyshen nga ana e nënës, e cila me etni është serbe. Reagimi i Saşës erdhi menjëherë dhe me tone të larta, teksa ajo iu përgjigj me deklaratën: “E kam gjyshen serbe që t’i ka paluar 10 shqiptarë”.

Pas transmetimit të pamjeve, Saşa – e cila vjen nga Gjakova – ndjeu të nevojshme të bënte një sqarim të drejtpërdrejtë për publikun.

“Edhe pse nuk ka qenë faji jem për dikë që janë martuar para 60 viteve. Ajo ka qenë prej Shkodrës, serbe e Shkodrës. Gjatë gjithë jetës njerëzit e kanë shfrytëzuar këtë gjë tek unë. Dua ta sqaroj atë deklaratën që ‘i palon 10 veta’, e kam pasur fjalën që i palon 10 tipa sikur Labi, sepse është keqkuptu”, tha Sasa.

revista.one/