Dy banorët përplasen me Selin: Finalja, dhuratë nga Brikena

Rogerti dhe Miri janë përfshirë në një debat të ashpër me Selin pas zhvillimeve të “prime” të së mërkurës, ku nëna e banores i kërkoi të lërë garën në mes.

Sipas Rogertit dhe Mirit, të cilët janë aleatë në lojë, “Brikena i ka bërë dhuratë finalen”, pasi ata mendojnë se nga televotimi mes dy banoreve, finalistja e parë do të jetë Selin.

“Dhuratë të bërë nga Brikena (finalja). Nuk e ndihmon ajo situatë (kërkesa nga e ëma për t’u larguar nga loja) për 120 ditët e këtij BBV. U pa karta e mirësisë që përdori Brikena dhe justifikimet e atij momenti në atë prime. E ka ndihmuar për të shkuar në BBV, por për ta fituar, nuk fitohet me një moment, por me 120 ditë,” u shpreh Miri.

Rogerti u ndal te kërkesa e nënës së Selin, ku tha se nga banorja ka parë disrespekt dhe mosrespekt ndaj famlijes së saj.

“Selin, kur e shohim si lojtare para se të hyja brenda, problemi i saj dhe i familjes së saj është respekti dhe disrespekti. I erdhi kunati, vëllai, unë dhe nëna dhe nuk i dëgjoi. Selin e ka treguar dhe bie në kontradiktë me ato që tha: ‘Fjalët e familjes sime janë urdhër për mua’.”

ë nisje të ‘prime’ të sotëm, Selin ka sqaruar arsyet pse ka vendosur që vazhdojë lojën e saj në Big Brother VIP edhe pas kërkesës nga nëna e saj për t’u larguar nga gara.

Banorja theksoi se po e vazhdon garën me vullnetin e saj të lirë. “Kam vendosur të vazhdoj garën sepse jo vetëm një Rogert dhe një Mir, por edhe shtatë të tjerë si ata nuk mund të më pengojnë nga rrugëtimi që do bëj unë në BBV”, deklaroi Selin.

Më tej ajo shtoi se 48 orët e fundit që nga ‘prime’ i së mërkurës, kanë qenë të ngarkuara për të. “Këto 48 orët e fundit për mua kanë qenë ekstremisht të ngarkuara. Kam dashur të vazhdoj garën sepse ka qenë për të dalë ballë për ballë dhe për të mbrojtur veten përballë dy njerëzve që mendojnë se, duke paragjykuar dhe duke më dhënë epitete që s’më takojnë, mund të ecin para në garë. Kam vendosur të vazhdoj garën sepse jo vetëm një Rogert dhe një Mir, por edhe shtatë të tjerë si ata mund të më pengojnë nga rrugëtimi që do bëj unë në BBV”, shtoi ajo.

Sakaq Selin e përmbylli duke thënë “Për mua e para është familja ime. Nuk do thoja se janë zhgënjyer por do u thoja që të kenë besim për mua, për të mbrojtur të ardhmen time. Duhet të kenë besim te unë dhe unë jam e bindur se suportin e tyre e kam akoma. Kam qenë e shqetësuar, sepse jo vetëm për të ditur që unë thjeshtë kam pasur dëshirë të vazhdoj garën dhe jo si disrespekt ndaj tyre”.

revista.one/