Samanta Karavella provokon me klipin e ri “Mala X Cha Cha Cha”

Samanta Karavella, ka prezantuar sot (e mërkurë) projektin e ri muzikor.

“Mala X Cha Cha Cha” mban titullin kënga, e cila është afro pesëminutëshe e ndarë në dy pjesë.

Artistja e njohur ka marrë vëmendje me paraqitjen skenike e provokuese në këtë klip, si asnjëherë më parë.

Teksti është shkruar nga Muma, ndërsa ky i fundit së bashku me Karavellën është përkujdesur edhe për muzikën.

Producimi i kësaj kënge ndërkohë u bë nga Bledbeats dhe Boban Apostolov.

Koreografia dhe vallëzimi atraktiv i artistes u realizua falë Almendës dhe videoja iu besua produksionit Max Production.

Projekti, i publikuar tanimë në YouTube, besohet se do pritet mirë edhe nga publiku.

revista.one/