Aktorët e “Friends” publikojnë koleksionin e parë zyrtar të veshjeve

Jennifer Aniston, Courteney Cox, Lisa Kudrow, Matthew Perry, Matt LeBlanc dhe David Schwimmer njoftuan në Instagram koleksionin e parë zyrtar të veshjeve “Friends”.

Me çmim nga 19,99 dollarë për filxhanë deri në 49,99 dollarë për modelet e xhupave, linja është e frymëzuar nga skena ikonike dhe citime nga tre sezonet e para të serialit – nga “Smelly Cat” në “We were on a break!”.

Aniston, Cox dhe Schwimmer gjithashtu treguan se gjysma e të ardhurave të tyre nga koleksioni do të shkojnë për bamirësi.

Aniston, 52 vjeç, pozoi në modelin “I know” dhe, në mënyrë të përshtatshme, kapela “We Were SO Not On a Break”, ndërsa Cox, 57 vjeç, zgjodhi bluzën “We’ll Be There for You”.

Perry, 51 vjeç, zgjodhi një bluzë të shtypur me një nga rreshtat e tij më qesharak: “You have to stop the Q-Tip when there’s resistance”. Dhe LeBlanc, 54 vjeç, tregoi filxhanin “Could I BE Wearing Any More Clothes?”.

Schwimmer veshi bluzën me mbishkrim “Lobsters” të ilustruar me një pamje të tij dhe Aniston.

Ndërsa, Lisa Kundrow zgjodhi bluzën e zezë me mbishkrimin e bardhë, “We were on a break”.

Koleksioni përfaqëson të parin nga tre pikat e shitjes; linjat e mëvonshme me sa duket do të përfshijnë referenca nga sezonet e mëvonshme të “Friends”, me secilin të disponueshëm për vetëm katër javë.

Publikimi i koleksionit vjen pas debutimit në maj të ribashkimit të shumëpritur të “Friends”, i cili shfaqi aktorët të ndanin një dhomë përsëri për herë të parë në 17 vjet.

revista.one/