Romeo merr mesazhin e papritur nga Dua Lipa, banorët e BBV “tallen” keq me të

Teksa të gjithë konkurrentët ishin të mbledhur në living duke lexuar mesazhet që të afërmit e tyre dhe fansat iu kanë dërguar në “Big Love”, ata kanë shpërthyer në të qeshura me një SMS që mori Romeo Veshaj.

Aktori ka marrë një mesazh me emrin e këngëtares shqiptare me famë botërore, Dua Lipa.

“Romeo jemi me ty. Dua Lipa dhe Romeo shokë”– shkruhej në mesazhin e dërguar, ndërsa aktori i gëzuar tha: “Dua të dua. Të puth shumë”

Konkurrentët shpërthyen në të qeshura duke u “tallur” keq me Romeon.

“A e dëgjon Meritonin, Maluma e këto”- tha Jul Deda duke qeshur.

Nuk dihet nëse personi që i ka dërguar mesazhin aktorit është me të vërtetë Dua Lipa apo ndonjë fans i zjarrtë i konkurrentit.

Kujtojmë që në natën e parë të nisjes së spektaklit, Romeo ka shprehur pëlqimin për këngëtaren.

revista.one/