“Alienët janë mes nesh dhe rrëmbejnë njerëz nga toka”, profesori amerikan i Ufologjisë: Marrin kotrollin e mendjes  

Një profesor amerikan ka bërë disa pretendime të frikshme.

Ai thotë se jo vetëm që ka “hibridë-alienë që ecin mes nesh”, por këto krijesa vijojnë të rrëmbejnë njerëz me mjete të kontrollit të mendjes, në dukje duke u përgatitur për njëfarë “marrje totale të kontrollit”.

Dr David Jacobs, profesor historie në Universitetin Temple në Penslivani, i specializuar në Ufologji, ka shkruar disa libra mbi rrëmbimet aliene.

Duke folur në programin ‘Extraordinary: The Revelations’, Dr Jacobs pretendon: “Ne njerëzit jemi përhapur nëpër botë dhe sundojmë aq sa kemi mundur …nuk e dimë nëse kjo është e vërtetë per qenie të tjera apo jo, por është ajo që kemi bërë ne njerëzit”.

“Opinioni im më i saktë do të ishte se po, edhe të tjerët kanë bërë të njëjtën gjë”.

“Kjo është ajo që ata bëjnë, njësoj si ne.”

Profesori shtonte më tej se kishte bërë disa intervista me njerëz të rrëmbyer nga alienët e të mbijetuar. Jashtëtokësorët u kishin thënë atyre se “kishin një detyrë për të bërë në të ardhmen”.

Shumë prej të ashtuquajturve “të rrëmbyer” i referoheshin udhëzimeve për “kontrollin e turmës.”

“Do të ketë një numër të madh njerëzish që vrapojnë në rrugë dhe detyra jote do të jetë të thuash “Vazhdo kështu, ç’do gjë do të shkojë mirë’”, thotë mes të tjerash profesori.

Ndërsa për mënyrën sesi duken alienët Dr Jacobs thotë se disa prej të rrëmbyerve kishin hasur edhe qenie njerëzore brenda UFO-ve të tyre.

Ai kujton: “Ajo që ata përshkruanin është se ata në anijet kozmike që dukeshin njerëzorë, shumë njerëzorë, vinin për të mësuar se si është të ecësh mes nesh, si është të jesh njerëzor”.

“Në atë pikë unë e kuptova, ishte puna te integrimi në shoqëri, para marrjes së kontrollit, …ata na kontrollojnë ne por ne nuk mund t’i kontrollojmë ata”.

“Në njëfarë mënyre ata janë super-njerëzorë”.

“Nëse do të marrin kontrollin apo jo, edhe pse ata dinë të kontrollojnë mendjen njerëzore… nuk e di çfarë mund të ndodhë pas kësaj, unë i trembem më të keqes”.

“Besoj se këto qenie në bordin e UFO-ve e kanë bërë këtë edhe më parë”, shton ai.