Arbana Osmani mbyll me lot “Dua të të bëj të lumtur”, merr drejtimin e “Big Brother VIP”

Moderatorja e njohur kthehet tek “Big Brother”. “Unë i vlerësoj të gjitha fjalët tuaj dhe mezi po pres të punojmë bashkë në atë që ju e dini që unë s’mund ta them”, u shpreh mbrëmë Arbana Osmani. Ajo foli duke nënkuptuar se bëhet fjalë për nisjen e një program të ri. Ajo përfundoi mbrëmjen e djeshme sezonin e “Dua të të bëj të lumtur” mes shumë surprizash dhe emocionesh. Stafi i saj kishte përgatitur një videomesazh falenderues për autoren e emisionit. Kjo gje e preku Arbanën dhe e bëri të derdhte lot.

Pas përfundimit të programit, ajo publikoi në Instagram një foto të saj, në të cilën pyet ndjekësit: “Atëherë, çfarë është e radhës?”. Dhe të gjithë kanë qenë të të njëjtit mendim se projekti i radhës i moderatores është “Big Brother VIP”.

Arbana ka publikuar në Instastory një pjesë të përgjigjeve dhe bie në sy fakti se të gjithë kanë thënë të njëjtën gjë.

“A mund ta besoni se kam mijëra mesazhe me të njëjtën përgjigje. Po si nuk thotë njeri ‘bëj ca pushime’”, shkruan Arbana përkrah përgjigjeve, duke konfirmuar në një lloj mënyre se ajo do të jetë drejtuesja e “Big Brother VIP”. revista.one/