Banori i ri i Big Brother: Femrat si puna e Gresës duhet me i lidh dhe… 

Eduart Kuqi është ndër banorët më të rinj të Big Brother VIP Kosova 3. Ai ka hyrë të premten së bashku me dy konkurrentë të tjerë: Anisa Veselin dhe Pajtim Morinën.

Siç duket, ai nuk është ambientuar akoma në shtëpi dhe ka filluar menjëherë përplasjet me banorët. Ai u nervozua me aktoren Gresa Gashi, teksa ka kaluar në ofendime të mëdha.

Një video që ka qarkulluar së fundmi, ai ka bërë një deklaratë tronditëse për banoren e lartpërmendur. “Femrat si puna e Gresës duhet me i lidh dhe me i rrah me thupër”, ka qenë deklarata e tij.

Pritet të shihet nëse do të ketë një vendim në lidhje me këtë. Ndërkohë, një zarf ngjyrë hiri është shfaqur në ekran, derisa banorët e Big Brother VIP Kosova 3 po qëndronin në oborr.

Me të parë këtë, ata kanë reaguar menjëherë duke dhënë versione të ndryshme në lidhje me këtë. Ata kanë filluar të sqarojnë domethënien e zarfit ngjyrë hiri pasi Xuxi pati rastin e ngjashëm.

Siç sqarojnë, me këtë zarf një banor do të dalë në nominim dhe për të vendos publiku nëse dëshiron që të rikthehet.

Një gjë e tillë ka ndodhur edhe me Xuxin për një ngjarje që ndodhi pak javë më parë në këtë format. Shumë nga konkurrentët aludojnë se kjo ka të bëjë me banorin e ri, Eduart Kuqin, për shkak të gjuhës së tij të papranueshme.

revista.one/