Beatrix Ramosaj dhe ish-konkurrenti i Për’puthen shkëmbjnë sinjale puthje virtuale për njëri tjetrin

July 13, 2022 0

“Një farë simpatie e kam për të!”, kjo ishte deklarata e Andi Artanit për Beatrix Ramosajn disa kohë më parë në rubrikën “Kë zgjedh”të emisionit “Mirage”. Fjalët shkaktuan një zhurmë të re në rrjet. Kaq mjaftoi që publiku të fillonte të imagjinonte si çift të mundshëm këngëtaren me ish-konkurentin e Përputhen. Ky i fundit është shumë aktiv në Instagram, duke përditësuar ndjekësit me foto e video nga jeta e përditshme.

Ish-banorja e Big Brother Vip e ka bërë sot lëvizjen e saj. Në foton e postuar nga Andi, këngëtarja nuk ka harruar të lërë një koment.

“I Dukagjinit mo,”-shkruan ajo. Duke ripërsëritur deklaratën që ai kishte bërë për të, ku u shpreh gjithashtu se një ndër arsyjet që e pëlqen është se janë nga i njëjti vend.

Ky koment i ka nxitur edhe me tepër ndjekësit, duke marrë pëlqime të shumta. Andi Artani nuk ka humbur asnjë moment për ti kthyer përgjigje Beatrixës.

“Kjo është e qartë,”-shkruan ish-konkurenti i Përputhen duke e shoqëruar edhe me puthje.

Ju kujtojmë që gjatë eksperiencës së tij në Përputhen, Andi zhvilloi më shumë takime me Jasminën me të cilën u duk se kishin një kimi të veçantë. Dyshja simpatizoheshin shumë edhe nga publiku, mirëpo gjërat nuk shkuan siç pritej dhe në fund të emisionit Andi dhe Jasmina dolën vetëm.

Gjatë kësaj periudhe mori pjesë në klipin e Diona Fonës “Sheqer”, ku u duk shumë i afërt me këngëtaren. U përfol shumë për një lidhje mes tyre, madje edhe vetë Jasmina i mshonte këtij fakti. Por këto dyshime nuk janë konfirmuar kurrë nga palët e përfshira.