Çfarë po ndodh në “Big Brother”, futet një dron me një mesazh për Fifin

Që nga nata e mbrëmshme në shtëpine e “Big Brother Albania VIP”, raportet mes Fifit dhe Granitit kanë ndryshuar.

Graniti në një bisedë me Sabianin, Ilirin dhe Fifin, u shpreh se nuk ka ndjenja për këngëtaren dhe e sheh vetëm si një person të afërm.

Këto fjalë të Granitit bënë që Fifit t’i përkeqësohet gjendja mbrëmë, e që më pas kërkoi nga Graniti të mos i fliste më dhe ta linte rehat.

Por, para pak minutash në shtëpinë e “Big Brother” është futur një dron i cili kishte një mesazh përkrahje për Fifin.

“Fifi,  të duam shumë! Nanushat”, ishte mesazhi në pankartën e vendosur në dron që u shfaq brenda shtëpisë.

Ky mesazh e bëri të lumtur këngëtaren dhe banorët në shtëpi të cilët janë duke qëndruar afër saj pas ngjarjes së fundit.

Në orët e para të ditës së shtunë, ishte Graniti ai që ia bëri të ditur Fitit se nuk e sheh si një femër që mund të krijojë raport më shumë se miqësor me të.

Kjo gjë e ka lënduar këngëtaren e njohur, e cila madje ishte në gjendje të keqe emocionale dhe shëndetësore.

Ndërsa, më vonë Fifi është parë më e qetë teksa ka diskutuar me banoren tjetër, Donikën, për raportin e saj me Granitin.

Ndër tjera Fifi u shpreh se atë e kap ankthi kur njerëzit luajnë me të, dhe se nuk planifikon t’i flas më Granitit.

“Më kap ankth kur njerëzit luajnë edhe ma bëjnë këtë sy më sy, e kam prej kur kam qenë fëmijë. Gjithmonë ma kanë bërë njëjtë, në çdo aspekt, jo veç në këtë aspekt”, tha Fifi.

“Veç jam duke menduar a me i fol atij apo, unë kam lind vet dhe do vdes vet, po më vjen inati çfarë ka bërë. Unë dua mos t’i flas më hiç, zero”, vazhdoi tutje këngëtarja.

revista.one/