Detaje mbi aksidentin në Fier, policia arreston shokun e 19-vjeçares nga Tirana që humbi jetën (Video)

Një aksident ka ndodhur në orët e vona të mbrëmjes në bypassin e Fierit, ku si pasojë ka ndërruar jetë një 19-vjeçare. Mjeti tip “Benz” me të cilin udhëtonte Xhesika Mjekra, ka dalë nga rruga për arsye që ende nuk dihen.

I plagosur ka mbetur edhe 21-vjeçari Sabri Xherimeja, i cili ishte pasagjer në makinë. I riu u dërgua në spitalin e Fierit, por nuk dihen detaje lidhur me gjendjen e tij shëndetësore. Disa orë pas ngjarjes së rëndë, ai u shoqërua nga policia e Fierit me urdhër të prokurorisë, me qëllim zbardhjen e plotë të rrethanave të aksidentit.

Policia e Fierit ka ndaluar me urdhër të prokurorisë të riun Sabri Xherimeja, i cili ishte në makinën tip ‘Benz’ që doli nga rruga mbrëmjen e djeshme, e për pasojë humbi jetën 19-vjeçarja Xhesika Mjekra. Sipas policisë, ndalimi i 21-vjeçarit është bërë me qëllim zbardhjen e ngjarjes dhe rrethanave të saj.

Njoftimi i policisë: 

Në vijim të veprimeve hetimore për zbardhjen e shkaqeve të aksidentit të ndodhur dhe për të përcaktuar me prova ligjore drejtuesin e automjetit që ka dalë mbrëmë nga rruga ku humbi jetën 19-vjeçarja Xh. M., me urdhër të Prokurorit është bërë ndalimi i shtetasit S. Xh., 21 vjeç, banues në Tiranë, në funksion të veprimeve hetimore për zbardhjen e ngjarjes. Materialet i kaluan Prokurorisë, për veprime të mëtejshme.

revista.one/