Donaldi dhe Iliri rikthehen në shtëpinë e Big Brother VIP

Aktori Donald Veshaj dhe balerini, Ilir Shaqiri janë futur në shtëpinë e famshme të Big Brother VIP Albania gjatë mbrëmjes së djeshme (e mërkurë). Protagonistët e edicionit të parë të BBVA kanë hyrë për të darkuar me katër finalistët Luizin, Efin, Deamishel dhe Kristin.

Dyshja u mirëpritet nga banorët e mbetur ndërsa nuk munguan shakat me njëri-tjetrin.

Më parë, lajmin e kanë bërë me dije balerini dhe moderatori nëpërmjet postimeve të bëra në Instagramin e tyre. Së pari ka qenë moderatorja Arbana Osmani ajo që ka zbuluar risinë në shtëpinë e Big Brother.

Theksojmë se Iliri dhe Donaldi u konsideruan rivalët kryesor gjatë rrugëtimi të tyre në BBVA, madje ata nuk komunikuan për një kohë të gjatë me njëri-tjetrin pas daljes nga shtëpia.

Por, tashmë të dy kanë arritur të zgjidhin mosmarrëveshjet dhe janë parë bashkë në disa dalje publike.

Ndërkohë, kujtojmë që kanë mbetur edhe tri ditë deri tek finalja e madhe e së shtunës së 6 majit teksa janë paralajmëruar edhe shumë befasi.

Në finale tashmë është konfirmuar një martesë zyrtare mes çiftit Luiz dhe Kiara.

revista.one/