Dora e një vajze te qafa, Gjesti ndez spekulimet me një foto të fundit, Egli e bën “unfollow”

Fituesi i edicionit të katërt të Big Brother VIP Albania, Gjesti, po vazhdon të jetë në qendër të vëmendjes edhe pas përfundimit të spektaklit që e bëri një nga figurat më të përfolura të momentit.

Aktiviteti i tij në rrjetet sociale është i rregullt dhe shpeshherë shoqërohet me postime që nxisin kureshtjen dhe debatet në publik.

Së fundmi, artisti pejan ka publikuar një InstaStory që ka tërhequr menjëherë vëmendje. Në imazhin e shpërndarë, ai shfaqet duke pozuar në pasqyrë dhe dora e një femre te qafa.

Edhe pse identiteti i vajzës nuk zbulohet, fotoja ka mjaftuar që në rrjet të nisin spekulimet.

Pjesa më e madhe e ndjekësve po pyesin nëse bëhet fjalë për një romancë të re, apo thjesht një sekuencë nga një projekt muzikor që ai mund të jetë duke përgatitur.

Ndërkohë, një zhvillim i papritur në rrjetet sociale ka nxitur aludime të forta për një ndarje mes një prej çifteve më të komentuar të këtij viti: Gjesti, fituesi i Big Brother VIP Albania 4 dhe këngëtarja Egli Tako.

Dyshja nuk ndiqen më në Instagram, një detaj që nuk i ka shpëtuar fansave të tyre të vëmendshëm dhe që ka ndezur dyshimet për përfundimin e lidhjes së tyre.

Por kohët e fundit, diçka ka ndryshuar. Ata jo vetëm që nuk kanë ndarë më foto apo video të përbashkëta, por tani duket se kanë ndërprerë çdo gjë.

Në botën e shoubizit, ky veprim është shpesh indikator i një krisjeje ose ndarjeje.

As Egli Tako dhe as Gjesti nuk kanë dhënë ndonjë deklaratë zyrtare për këtë ndryshim të papritur në raportin e tyre, por ndjekësit e çiftit kanë nisur të komentojnë me pyetje dhe shqetësim në rrjete, duke kërkuar shpjegime apo konfirmime nga vetë protagonistët.

Ndërkohë, Egli duket se i është rikthyer fokusit tek muzika dhe karriera personale, duke shpërndarë më shpesh momente nga puna e saj në studio apo projekte të reja.

revista.one/