Egla rikthehet pas 1 viti në kanalin e saj në YouTube, ku tregon pse e fitoi e Big-un
July 24, 2024Egla Ceno u shpall fituese e edicionit të tretë të “BBV”. Mirëpo kudo nëpër rrjet është parë që shumë individë nuk janë pajtuar me këtë gjë dhe kanë ngritur aludime se fitorja nuk i ka takuar Eglës por është marrë ‘me mik’.
Sakaq, Egla i është përgjigjur sërish zërave se e ka fituar edicionin e tretë për shkak të lidhjes familjare që ka me drejtuesit e Top Channel. Por kësaj here me ironi. Ja si u përgjigj ajo:
“Vendosa të them të vërtetën edhe pse dhemb, e vërteta dhemb. Të them të vërtetën pse si tek e fitova unë Big-un. Sepse ka pasur disa komente tuaja që kanë zbuluar të vërtetën kështu që nuk do të fshihem më dhe po e konfirmoj. Unë e fitova Big-un sepse Ledion Liço, prezantuesi është djali i burrit të tezes xhaxhait të hallës së tezes së babait nga ana e nënës, kurse Lori me Sarën që janë shumë të rëndësishme janë gocat e xhaxhait të tezës së nënës. Kështu që nuk kishte se si mos ta fitoja unë Big-un. Po e them këtë gjë edhe pse do të më kushtojë shumë sepse nuk mund t’i tregoj sekretet e Bigut po e them se ju më zbuluat dhe është më mirë të them të vërtetën. Ja pra, kjo është arsyeja se përse unë e fitova Big-un.”
Ndërsa video është publikuar në kanalin e saj në Youtube, të hapur vitin e kaluar, ku kishte hedhur disa video me citime nga rilindasit dhe poetë bashkëkohor. Kanali ka shikueshmëri të ulët dhe duket se ka qenë i lënë pas dore nga aktorja. Videoja më e shkuar është “Faik Konica “As bukë as brekë s’ju lanë, ju punoni ata hanë””, e interpretuar nga vetë aktorja.
![](https://revista.one/wp-content/uploads/2024/07/Capture-12.jpg)
revista.one/