Egli Tako në gjendje të rënduar lë shtëpinë e Big Brother, Gjesti thirret në dhomën e rrëfimit

Egli Tako, një nga banorët më të komentuara të edicionit aktual të Big Brother VIP Albania, ka marrë një vendim të papritur për të ndërprerë garën për arsye shëndetësore. 

Sipas një njoftimi zyrtar nga Vëllai i Madh, ky vendim është marrë për të mbrojtur shëndetin e konkurrentes, dhe ai u kumtua në një zarf të kuqe që iu dorëzua banorëve.

Në njoftimin e bërë publik, shkruhej: “Vëllai i Madh ka marrë vendimin që konkurrentja Egli Tako të ndërpresë menjëherë garën. Egli ju uron suksese të gjithëve”.

Ky mesazh ka habitur fansat dhe ka shkaktuar shumë reagime në rrjetet sociale, ku ndjekësit e Big Brother VIP Albania shprehën shqetësim dhe kuriozitet për arsyet që qëndrojnë pas këtij vendimi të papritur.

y moment ka ngjallur një atmosferë të tensionuar, ndërsa Amber dhe Jozi i janë drejtuar Gjestit me gisht, duke e fajësuar për gjendjen shëndetësore/emocionale të Eglit, që çoi në largimin e saj nga gara.

Ata sugjeruan se debatet dhe tensionet që ndodhnin mes Gjestit dhe Eglit mund të kenë ndikuar në përkeqësimin e shëndetit të saj dhe largimin e saj vullnetarisht.

Pas njoftimit të largimit të këngëtares nga gara, Gjesti është thirrur menjëherë nga produksioni dhe është dërguar në dhomën e rrëfimit.

Gjesti dhe Egli kanë krijuar një lidhje të komplikuar gjatë këtij edicioni të “Big Brother”, e cila ka pasur shumë momente pasionante, por gjithashtu edhe shumë debate. Lidhja e tyre ka qenë një “on-off” e vazhdueshme, me pasione dhe konflikte të shpeshta.

Egli Tako është shpallur së fundmi “Miss Fitnessi” nga juria e Big Brother VIP Albania, një çmim që vlerëson fizikun dhe përkushtimin e saj ndaj palestrës dhe stilit të shëndetshëm të jetesës.

Megjithatë, në momentin që juria i bëri thirrje për t’u ngjitur në skenë dhe për të marrë çmimin, Egli refuzoi, duke treguar se nuk ndihej mirë fizikisht.

“Mezi u çova, nuk kam fuqi. Faleminderit shumë, juria”, u shpreh ajo shkurtimisht, ndërsa qëndronte e ulur.

Pas kësaj situate, Egli ka ndërprerë garën dhe është larguar nga shtëpia e Big Brother VIP për arsye shëndetësore. 
revista.one/