“Jam rritur mes 4 femrave”, Akili pendohet për debatin me Sarën: Derdha lot kur…

Aktori Akil Varfi kërkoi largimin nga Ferma Vip 3, me argumentin se nuk po dilte mirë dhe se nuk kishte mbështetje nga publiku.

Këtë ide, ai e krijoi pas diskutimeve që patën për debatin me Sarën, ku një pjesë e fermerëve dhe opinionistët kundërshtuan sjelljen e aktorit.

Por për këtë debat, aktori është penduar.

“Jam rritur mes 4 femrave, kam nënën dhe 3 motrat dhe jap jetën për to. E di se sa e rëndësishme është femra në jetën tonë. Edhe mbrëmë tek festa kur përshëndeti dy fëmijët e vet, më erdhi keq dhe derdha lot”, tha Akili.

Ndërkohë që aktori ka dashur të largohet, është dashur ndërhyrja e moderatores Arbana Osmani për ta mbajtur në garë dhe për të vijuar sfidën mes tij dhe Fairfax dhe Gresës.

Opinionistet Einxhel Shkira dhe Armina Mevlani u shorehën në unison se Akili ka probleme me vetëbesimin.

Sfida

Akili, Gresa dhe Fairfax ishin tre fermerët që u përballën me një sfidë, e cila ishte e vlefshme për televotimin që u hap mbrëmjen e sotme.

Tre fermerët do të duhet të hipnin sipër një kutie, dhe të lidhur me një rrip në mes që ishte ngatërruar tek trarët, do të duhet të kalonin në anën tjetër.

Kush do arrinte i pari, do i binte këmborës dhe do të shpëtonte nga televotimi.

I pari që arriti të kalonte në anën tjetër ishte Akili, por ai nuk e pranoi fitoren, duke i lënë kohë Gresës të arrinte dhe ti binte këmborës.

Aktori u pyet edhe nga moderatorja Arbana Osmani nëse ishte i sigurt për këtë vendim, i cili u përgjigj i prerë: “Po”!

Pas kësaj, moderatorja njoftoi hapjen e televotimit, me fermerin që duhej të largohej, Akili dhe Fairfax.

Televotimi do të zgjasë për pak minuta dhe njëri prej tyre do të lërë garën, duke hequr dorë nga çmimi i madh prej 200 mijë euro, mbrëmjen e sotme.

Ky veprim i Akilit u vlerësua nga opinionistët dhe u pa si një shenjë reflektimi, pas debatit të ashpër që kishte me Sarën.

revista.one/