Ftesa nga Venecia/ Beniada hedh një hap të suksesshëm për karrierën e saj

Së fundmi me anë të një postimi në llogarinë e saj në Instagram, ish-banorja e Big Brother VIP, Beniada Nishani shumë e lumtur ndau një lajm me ndjekësit e saj.

Ajo do të prezantojë në Festivalin e Filmit në Venecia nje nga ngjarjet më prestigjioze të artit. “Dua te ndaj me ju një ftese shume te rëndësishme per mua, do te shihemi me 5 shtator ne Festivalin e Filmit ne Venecia. Shpresoj të përfaqësoj Shqipërinë ne mënyrën me te mire te mundshme”, shkroi ajo.

Kujtojmë se Beniada Nishani, dikur ka luajtur në një film me regji të Paolo Sorrentinos, ku ishte një prej femrave të shumta të Berlusconi-t.

Ndonëse në një rol episodik dhe jo shumë të njohur, Beniada do të jepte një intervistë për mediat italiane në vitin 2018, fill pas daljes së filmit “Loro”.

Filmi flet për grupin e biznesmenëve dhe politikanëve “Loro” (Ata), që jetojnë dhe veprojnë pranë manjatit dhe politikanit të medias Silvio Berlusconi.

Sergio Morra është një biznesmen i ri nga Taranto, i cili menaxhon trafikimin në shkallë të vogël të eskortave të tij, të cilat i përdor për të korruptuar politikanë vendas.

Gjatë intervistës së dhënë 4 vite më parë Beniada Nishani pyetet se si lindi bashkëpunimi me regjisorin e njohur Sorrentino.

“Ishte shumë rastësor pasi mora pjesë falë fjalëve të një miku, në një nga cast-et e shumta që u bënë nëpër Itali. Pak për argëtim, pak si sfidë personale, vendosa të marr pjesë. Pas disa provave me skenarë të ndryshëm, arrita të realizoj një nga ëndrrat e mia më të mëdha. Paolo Sorrentino ma dha disa këshilla se si të interpretoja sa më mirë rolin tim. Ai ishte trajneri im i vërtetë në set Në film luaj një nga femrat e Berlusconit. Një vajzë e re që dëshiron të hedhë hapat e saj në këtë botë dritash, ëndrrash dhe shpresash”, do të shprehej Nishani në vitin 2018.

revista.one/