Gruaja e pastrehë në SHBA, Parashqevi Simaku? Të afërmit: Mund të jetë ajo, kemi humbur kontaktet prej 5 vitesh

Një video e transmetuar nga televizioni amerikan Abc7, në të cilën shfaqet një grua teksa merr ndihma nga grup fëmijësh, ka ngjallur një debat të madh në rrjetet sociale. Shumë ndjekës po ngrenë pikëpyetjen nëse gruaja që shfaqet në video është këngëtarja e njohur shqiptare Parashqevi Simaku që merr ndihmë për të pastrehët.

Video ka qarkulluar me shpejtësi në rrjetet sociale, ndërsa gruaja identifikohet si ‘Simaku Nolfe’, dhe duket teksa merr pjesë në një iniciativë vullnetare ku dhurohen çanta shpine me ndihma për nënat dhe fëmijët në nevojë. Shumë përdorues të rrjeteve sociale po thonë se gruaja është vetë këngëtarja legjendare, edhe pse ajo ka qëndruar larg syrit të publikut prej dekadash.

Të afërm të Parashqevi Simakut thonë për Report Tv, se nga video që kanë parë në rrjet, gruaja mund të jetë Parashqevi. Familja ka vite që e kërkon, dhe e ka konsideruar të humbur, prej vitesh pa asnjë kontakt. Shqiptarë të shumtë por edhe të afërm të tyre në SHBA, kryesisht në Nju Xhersi, kanë kërkuar prej vitesh të marrin ndonjë informacion se ku mund të ndodhet Parashqevi Simaku

Një video e transmetuar nga televizioni amerikan Abc7, në të cilën shfaqet një grua teksa merr ndihma nga grup fëmijësh, ka ngjallur një debat të madh në rrjetet sociale. Shumë ndjekës po ngrenë pikëpyetjen nëse gruaja që shfaqet në video është këngëtarja e njohur shqiptare Parashqevi Simaku që merr ndihmë për të pastrehët.

Video ka qarkulluar me shpejtësi në rrjetet sociale, ndërsa gruaja identifikohet si ‘Simaku Nolfe’, dhe duket teksa merr pjesë në një iniciativë vullnetare ku dhurohen çanta shpine me ndihma për nënat dhe fëmijët në nevojë. Shumë përdorues të rrjeteve sociale po thonë se gruaja është vetë këngëtarja legjendare, edhe pse ajo ka qëndruar larg syrit të publikut prej dekadash.

Të afërm të Parashqevi Simakut thonë për Report Tv, se nga video që kanë parë në rrjet, gruaja mund të jetë Parashqevi. Familja ka vite që e kërkon, dhe e ka konsideruar të humbur, prej vitesh pa asnjë kontakt. Shqiptarë të shumtë por edhe të afërm të tyre në SHBA, kryesisht në Nju Xhersi, kanë kërkuar prej vitesh të marrin ndonjë informacion se ku mund të ndodhet Parashqevi Simaku.

Parashqevia nuk ka qenë në gjendje të mirë vitet e fundit, mund të ketë edhe probleme psikologjike. Bashkëshortin e saj Robert Nolfe e ka njohur në Kaliforni. Aty u zhvendos pasi fillimisht shkoi në Nju Xhersi. Ka shumë vite që është ndarë me të, dhe pasi burri vijoi jetën dhe humbën kontaktet mes njëri-tjetrit ai mori kujdestarinë e djalit që ka me Parashqevinë. Sipas familjarëve, Parashqevia ka më shumë se 5 vjet që nuk ka asnjë kontakt me ta. Nëna e saj vdiq një vit më parë dhe ka ikur e pikëlluar duke kërkuar të bijën me shpresën se do ta gjente.

Parashqevi Simaku, këngëtarja e famshme nga Kavaja që elektrizoi Shqipërinë gjatë viteve ’80, është një emër që mbetet i paharruar për artdashësit. Megjithatë, ajo emigroi jashtë vendit dhe jetoi larg syrit të publikut.

Të gjithë po kërkojnë të dinë të vërtetën e videos, e cila nuk dihet se kur është realizuar nga emisioni amerikan. Të paktën familjarët dyshojnë se është një video e vjetër. 

revista.one/