I këput këmbën me makinë 30 vjeçares shtatzënë! Shoferi, djali i ish-zv.drejtorit të Policisë Tiranë, Erzen Breçani

Një 30 vjeçare ka mbetur pa njërën këmbë dhe ndodhet në gjendje të rëndë në spital pasi është përplasur me makinë në Kinostudio nga 19 vjeçari Jehon Breçani, i cili është djali i ish-zëvendësdrejtorit të Policisë Tiranë Erzen Breçani. 

E reja po i nënshtrohet një operacioni në spitalin e Traumës, ndërsa gjendja e saj vijon të jetë e rënduar, pasi ajo është edhe shtatzënë. 30 vjeçarja ka qenë duke ecur në trotuar kur 19 vjeçari ka humbur drejtimin e makinës luksoze tip “Benz” dhe e ka aksidentuar duke i këputur këmbën. Fillimisht Jehon Breçani ka përplasur murin, një pemë dhe më pas 30 vjeçaren.

Shoferi i Benz-it, me targa AA 888 XX është shoqëruar në ambientet e Komisariatit nr.4, për veprime të metejshme hetimore. Burime nga policia bëjnë me dije se i riu i është nënshtuar testit të alkoolit, por nuk rezultoi të ishte nën efektin e pijeve alkoolike. Dyshohet se kur është aksidentuar ka qenë me shpejtësi të lartë. 

Aksidenti i rëndë ndodhi pasditen e sotme në rrugën  “Xhanfize Keko”.

Njoftimi i Policisë

“Rreth orës 19:15, në rrugën “Xhanfizo Keko” mjeti me drejtues shtetasin J. B., 19 vjeç, ka aksidentuar një këmbësore ende të paidentifikuar rreth 30 vjeçe, e cila ndodhet në spital, nën kujdesinko e mjekëve. Drejtuesi i mjetit po shoqërohet në ambientet e Komisariatit nr.4, për veprime të metejshme hetimore”, thotë policia.

revista.one/