Ina Aderi eliminohet, por gjeti dashurinë në Big Brother VIP Albania 5, flet Keijsi

E eliminuara e radhës në Big Brother VIP Albania 5 ka qenë Ina Aderi.

Rrugëtimi i Inës zgjati 38 ditë në Big Brother, ndërsa brenda lojës pati debate, përplasje si dhe krijoi një romancë me Keijsin.

Teksa Ina u largua, Kristi, i cili ka pasur debate me të, zgjodhi të mos e takonte.

Kujtojmë se  ish-konkurrentja hyri në këtë format pas një situate që kishte pasur jashtë me Keijsin. Asaj iu publikua një klip ku po shkëmbenin puthje, pa dijeninë e Stelinës, e cila veçse nisi një histori me Keijsin.

Këto skena u diskutuan tejet shumë dhe Ina u kryqëzua si nga banorët ashtu edhe nga publiku.

ftuar diten e sotme në studion e Fan Club, ish-banori i Big Brother VIP 5, Keijsi, ka ndarë opinionet e tij pa filtra për banorët që vijojnë lojën brenda shtëpisë. Gjatë diskutimit, Keijsi u shpreh kritik ndaj sjelljes së shumicës së banorëve, duke theksuar se autenticiteti mungon dhe se vetëm debatet i nxjerrin në pah fytyrat reale.

“Të gjithë banorët janë me një maskë, vetëm kur debatojnë e heqin atë. Kam përdorur në shtëpi fjalën falsitet”, u shpreh ai.

I pyetur nga moderatorja, Kiara Tito nëse edhe Ina bën pjesë në këtë kategori, Keijsi bëri një përjashtim të qartë, duke e mbrojtur hapur vajzen me te cilen krijoi dicka brenda shtepise.

“Jo nuk e ka. Ajo po përpiqej që të tregonte se çfarë vlerash kishte. I është bërë një gjyq moral dhe është shumë e rëndë për një femër”.

Sa i përket marrëdhënies së tij me Inën dhe pyetjes nëse e sheh atë si nënën e fëmijëve të tij, ish-banori zgjodhi të jetë i matur, duke theksuar se ndjenjat janë të forta, por koha ende e shkurtër.

“Është shumë shpejt, jam shumë in me Inën, ka karakter të fortë, më ka mbështetur shumë dhe më ka qëndruar shumë besnike”.

revista.one/