Intervistoi Luizin , Meriton Mjekiqi tregon prapaskenat: Prej tij më duan edhe moshat e treta
November 19, 2023Meriton Mjekiqi në një intervistë me Ronaldo Sharkën në rubrikën “Mos i bjer me top” të “E diell”, tregoi për prapaskenat e intervistës së Luiz Ejllit në Amerikë.
Intervista me këngëtarin bëri bujë në atë kohë, pasi ishte periudha kur Luizini nuk kishte dalë në asnjë intervistë tjetër në Top Channel, pas daljes së tij si fitues i Big Brother Vip 2.
Moderatori tha se në fakt ishte stafi i TCH, të cilët e ndihmuan të realizojë intervistën, ndërsa u shpreh me fjalë të mira për Luizin, duke e falenderuar për bisedën.
“E falenderoj sepse me Top Channel kam raporte shumë të mira si me gazetarët si me stafin. Ju vlerësoj shumë edhe për profesionalizmin. Nuk kam pasur kontakt direkt me Luizin. Pata folur me Petrinën (menaxheren), më ka thënë pa merak, diskuto kur të shkosh në turne me Luizin. Kemi biseduar, kemi rënë dakord. Luizi është një dalë i mrekullueshëm, e uroj për filmin. Shumë djalë i hapur, intervista shumë e mirë, e falenderoj për qasjen e tij gjatë intervistës”, tha këngëtari.
Mjekiqi tregoi se pas kësaj interviste të realizuar, mosha e tretë kanë filluar ta duan edhe më shumë për shkak të Luizit, pasi Meritoni është më shumë i pëlqyer nga të rinjtë për shkak të muzikës që bën, dhe intervistat, kryesisht me rreperë.
“Kam pasur komente jashtëzakonisht të mira të zonjave dhe zotërinjve të vjetër, që janë më në moshë se sa gjenerata jonë. Gjithmonë jam mësuar të më duan mosha rreth 35 vjeç. Prej intervistës së Luizit, më ka ndodhur në dyqane, më kanë ndaluar ndonjë zotëri ose zonjë e vjetër dhe më ka përshëndetur edhe më ka dhënë një respekt pasi e ka parë intervistën dhe më ka dhënë një kompliment për mënyrën se si e kemi realizuar”, tregon Meritoni.
Moderatori është përplasur shpesh dhe për një kohë të gjatë me grupin OTR të Noizyt, ndërsa tha ekskluzivisht se është pajtuar me reperin dhe me gjithë pjesëtarët e tjerë.
“Unë jam pajtuar me Noizyn dhe me pjesëtarë të tjerë të labelit të OTR. Jemi pajtuar në Prishtinë”, tregon Meritoni.
Nga ana tjetër një përplasje ka qenë edhe prishja e marrëdhënies me këngëtarin që është bërë i njohur nga ‘podcasti’ i Meritonit, Don Xhoni.
“Edhe me Don Xhonin kam raporte të mira. Para disa javëve jemi takuar tek Big Bengu në studio. Me të gjithë flas me të gjithë e kam mirë”, tha Mjekiqi.
Po ashtu një marrëdhënie jo të mirë ka qenë mes këtij të fundit dhe moderatorit Ronaldo Sharkës, të cilët tashmë janë pajtuar.
![](https://revista.one/wp-content/uploads/2023/11/D2C978DF-3AA1-489F-9D53-5DDC892F00AE.png)
revista.one/