Iu sekuestrua pasuria 50 mln euro, zbulohet lidhja e Kristian dhe Drilona Boçit me Besin dhe Xhensilën
June 28, 2024Prokuroria e Tiranës sekuestroi pasuri me vlerë 50 milionë euro të Krisjan Boçit, të dënuar për drogë në Belgjikë dhe 6 persona të tjerë, pasi dyshohet se ishin përfshirë në skemën e pastrimit të parave në Shqipëri, ku dyshohet se rol kishin edhe bashkëshortet e tyre.
Por cila ka qenë lidhja e çiftit Kristian-Drilona me Bes Kallakun dhe Xhensila Myrtezaj?
Para disa vitesh Kristian Boçi së bashku me bashkëshorten e tij, Drilona Boci kanë pasur miqësi shumë të ngushtë me çiftin Bes Kallaku-Xhensila Myrtezaj. Nuk mungonin makinat luksoze, jahtet, udhëtimet nëpër botë, darkat dhe festat së bashku mes dy çifteve, të cilët morën vëmendjen e të gjithëve me miqësinë e tyre të ngushtë. Drilona dhe Kristjani kanë qenë edhe personat që janë marrë më së shumti me organizimin e dasmës së Xhensilës dhe Besit, madje dhe djali i tyre ka marrë pjesë në videoklipe të këngëve të Bes Kallakut.
E nuk zgjati shumë, nga ku kjo miqësi e zjarrtë të kthehej në hi në vitin 2018, ku në një moment çiftet u distancuan me njëra-tjetrën, duke kaluar befas në luftë të ftohtë. Pas heqjes nga rrjetet sociale dhe fshirjes së fotove, mes tyre filluan ‘thumbimet’ në Instagram sidomos mes Drilonës dhe Xhensilës.
Shkaku i prishjes së miqësisë së tyre është aluduar shumë, pasi shumë thashetheme qarkulluan rreth një zënke madje përplasje fizike mes Drilonës dhe Xhensilës, shkak i cili aludohet të jetë dyshimi për një lidhje të fshehtë mes Xhensilës dhe Kristianit, gjë e cila ende mbetet e pavërtetuar.
Kristiani së fundmi ka reaguar lidhur me ndarjen e Besit dhe Xhensilës. Në këngën e fundit që Bes Kallaku ka publikuar, e cila u kuptua si një dedikim për Xhensilën dhe ndarjen e tyre, Kristiani e ka postuar në Instagramin e tij dhe komenti i tij ka marrë shumë vëmendjen e të gjithëve. Mes mbështetjes së tij për Besin dhe fazën e vështirë që po kalon në jetën e tij, Kristiani nuk ka harruar të ‘thumbojë’ Xhensilën.
“Mosmirënjohja. Më vjen keq vëllai im po më beso ke shpëtuar një herë e mirë nga qoftë largu. Të pata thënë vëlla. Bes Kallaku”, ka shkruar ai.
![](https://revista.one/wp-content/uploads/2024/06/6B4F8BD4-0CEF-4150-9178-CCB3BD600BE7.jpeg)
![](https://revista.one/wp-content/uploads/2024/06/5818E61D-03C1-41EA-A752-2A10613E6914-1024x1024.png)
![](https://revista.one/wp-content/uploads/2024/06/525B495C-0198-4C09-86A5-6C5E953AAA21-849x1024.png)
![](https://revista.one/wp-content/uploads/2024/06/4B84666F-D169-40A7-8222-1A7B480AD6A5.png)
![](https://revista.one/wp-content/uploads/2024/06/E8D4865D-EE50-4982-A9CC-CE31D87D168B.png)
![](https://revista.one/wp-content/uploads/2024/06/38377F5D-9050-4F82-80B6-829926497AC0.png)
![](https://revista.one/wp-content/uploads/2024/06/9A836948-0F9B-45D1-87C1-203A557482A3-915x1024.jpeg)
![](https://revista.one/wp-content/uploads/2024/06/384BCF3B-A1E7-4963-9877-2CD2A10EEBDD.png)
![](https://revista.one/wp-content/uploads/2024/06/4543DAC8-ED6A-4600-8243-D21CBB73B205.png)
revista.one/