Kënga “Përjetësisht” thyen rekorde, pjesë e trendeve muzikore nga e gjithë bota

Luiz Ejlli tashmë po përballet me një tjetër sukses me këngën më të fundit “Përjetësisht” që theu rekorde sapo u publikua.

Kjo këngë zë një pozicion të rëndësishëm edhe në renditjen që është bërë për trendet muzikore në të gjithë botën, ku ka arritur lartë në pozicionim.

Këngëtari më i përfolur i momentit është në një listë me disa nga artistët më të famshëm në të gjithë botën. Sipas renditjes kënga është rritur falë dëgjueshmërisë së lartë që ka pasur.

Ajo që vlen për tu përmendur është edhe koha në të cilën balada e dashurisë arriti të përhapej me shpejtësi. Kanë kaluar vetëm dy ditë dhe tashmë “Përjetësisht” numëron afro dy milionë klikime në YouTube.

Kënga solo e fituesit të “Big Brother VIP 2” ishte krijuar me fjalë të ndjera, që duket se është dhe historia e jetës së tij e dashurisë që gjeti në shtëpinë më të famshme në Shqipëri. Një pjesë e tekstit të këngës “Përjetësisht”:

Fryma e fundit

Shpresa e fundit ishe ti

Kur jeta më mundi

Rrugën e gjeta te ti

Nuk e di a të meritoj pasha dy sytë në ballë

Kam një jetë që po të kërkoj

Unë si ty kurrë s’kam pa…

revista.one/