“Kjo lojë është e fëlliqur…”/ Gjesti ka një mesazh për Eglin: Të lutem më dërgo një…

Largimi i papritur i Eglit nga shtëpia një ditë më parë, ka lënë një ndikim të madh te banorët e “Big Brother VIP 4”, veçanërisht te Gjesti, me të cilin ajo kishte një marrëdhënie të luhatshme gjatë qëndrimit të saj në lojë.

Një video e natës së kaluar, e cila po qarkullon në rrjetet sociale, tregon Gjestin të shtrirë në dhomën e gjumit, duke folur përgjumshëm dhe duke i drejtuar mesazhe emocionale Eglit.

“Gjumin e mirë, Egli. Besom që kam me i kry do gjëra për ty. Mbaje mend këtë sen. Gjumin e ëmbël. Shpresoj që e ke gjetur familjen mirë e edhe ti vetë je mirë… Të lutem, dërgoma një video për ‘Prime’, duke qeshur, të shoh që je mirë… Kjo lojë është e fëlliqur dhe duhet t’ua dridh. Të premtoj që do jua dridh keq”, dëgjohet të thotë banori i shtëpisë më të famshme në Shqipëri.

Ky moment ka prekur ndjekësit, të cilët e kanë interpretuar si një shenjë të lidhjes së fortë emocionale mes tyre, duke shkaktuar reagime të shumta në rrjetet sociale.

Pas largimit të Eglit, Gjesti është shfaqur i vetëm në oborr, ku ka përdorur kamerat e shtëpisë për t’i dërguar një mesazh Eglit. Ai ka theksuar se qëllimi i tij gjithmonë ka qenë që ajo të mos arrinte në gjendjen që ka arritur, duke theksuar se ai e ka bërë këtë për të mbrojtur të dashurën e tij nga një përkeqësim më i madh emocional.

“Të gjitha gjërat që t’i kam bërë kanë qenë vetëm që ti të mos dalësh në këtë pikë, si sot. Por, shkaktar jam unë, prej meje që më ke dashur shumë edhe ke bërë si e çmendur pas meje. Unë s’kam dashur të vije në këtë pikë, prandaj të kam bërtitur. S’kam dashur të lëndoje ti veten, kështu që të kërkoj shumë falje”, tha Gjesti, duke u shfaqur i prekur nga situata.

Ndërkohë, gjatë një bisede me Shkëlzenin, Gjesti ka vazhduar të shprehë ndjenjat e tij, duke theksuar se ai është i lumtur që Egli ka dalë nga shtëpia. Ai shprehu se gjithmonë ka ditur që ky moment do të arrinte, duke pasur frikë nga pasojat që mund të kishte gjendja shëndetësore e Eglit.

“Jam i lumtur që ka ikur sepse e kam ditur që do vinte në këtë gjendje. Gjithë kohës kam qenë keq vetëm për këtë pikë që ishte sonte”, tha Gjesti, duke theksuar se ka pasur një ndjenjë fajësie për atë që ndodhi.

Shkëlzeni, i cili ishte gjithashtu pjesë e bisedës, e pyeti Gjestin se përse nuk e kishte mbajtur larg Eglin për ta mbrojtur nga lëndimi emocional, por ai ka shpjeguar se lidhja e tij me Eglin ka pasur një dimension kompleks. Gjesti theksoi se ndonëse kishte ndjenja për Eglin, ato nuk kanë qenë të thella siç mund të kishin dukur.

“Nuk kam mundur, kam pasur senet (gjërat) e mia me të. Edhe pse dashuri të thellë nuk kam pasur. S’kam pasur”, tha ai, duke përshkruar Eglin si një natyrë të vështirë, që e ka bërë të ndihet i ndarë mes ndjenjave dhe veprimeve.

revista.one/