Kush është aktorja nga Kosova që luan tek filmi fitues i Festivalit të Venecias

Në Venecia të Italisë është përmbyllur Festivali i njohur ndërkombëtar i filmit

Çmimi kryesor ‘Luani i Artë’ iu dha filmit francez “L’évenement”, të regjisores franko-libaneze Audrey Diwan. Ky film si temë trajtonte abortin e paligjshëm, e ku interpreton edhe aktorja shqiptare nga Kosova, Luana Bajrami.

Çmimi special i Jurisë shkoi për filmin autobiografik “E stata la mano di Dio”, i regjisorit italian Paolo Sorrentino, që si gjithmonë kishte në film aktorin e njohur Tony Servillo, protagonist i sukseseve të Sorrentinos  si “Il Divo” dhe “La grande bellezza”.

Aktori më i mirë u shpall John Arcilla, me filmin “On the job”, mbi korrupsionin e politikanëve dhe kompromiset e mediave.

Aktore më e mirë u shpall Penelope Cruz, protagoniste e dy filmave në festival, por që triumfoi me filmin e mikut të saj, Pedro Almodovar,  “Madres parallelas” në rolin e një mamaje single. “Fitorja është e Pedros, 100%”, deklaroi aktorja spanjolle.

Kush ëshrë Luana Bajrami

Aktorja 20 vjeçare nga Franca me origjinë nga Kosova Luana Bajrami ka luajtur më parë në flimat Portrait of a Lady on Fire dhe School’s Out.

Roli i saj i parë ishte në filmin televiziv (2011) “Adèle’s Choice” nga Olivier Guignard, ku ajo luajti një nxënës 8-vjeçar shqiptar, familja e të cilit u kërcënua me dëbim. Kjo nxënëse gjen mbështetje nga mësuesi i saj, i luajtur nga Miou-Miou. Bajrami kishte një rol të vogël në filmin e shkurtër (2014) “Million Screams” nga Lisa Azuelos. Ajo luajti rolin kryesor në filmin televiziv “Marion” nga Bourlem Guerdjou. “Marion” u përshtat nga libri me të njëjtin emër nga Nora Fraisse duke përsëritur çështjen Marion Fraisse në të cilën një nxënëse e shkollës kreu vetëvrasje pas ngacmimeve nga shokët e saj nxënës, dhe u transmetua për herë të parë në France 3 më 27 shtator 2016.

Në një intervistë për “Le Monde”, Bajrami reflektoi se ky ishte roli i parë në të cilin ajo ndjeu kontroll krijues. Ajo lexoi librin dhe u takua me nënën e Marion Fraisse.

Bajrami luajti në dy filma të tjerë të shkurtër: “Dy të rinj vdiqën” nga Tomasso Usberti, i cili fitoi çmimin e tretë nga Cinéfondation në Festivalin e Filmit në Kanë në 2017, dhe filmin 2018 “Pas natës” nga Valentin Plisson dhe Maxime Roux.

Ajo luajti rolin e Apolline, kryetarja e një grupi prej gjashtë studentësh të talentuar intelektualë që përballeshin me mësuesin e tyre zëvendësues (luajtur nga Laurent Lafitte) në filmin e “School’Out” të Sébastien Marnier 2019, të përshtatur nga romani me autor Christophe Dufossé. Ajo u vlerësua për portretizimin e saj të Apolline, nga EJ Oakley i “The Panoptic” duke deklaruar se “Luana Bajrami është veçanërisht kërcënuese si Apolline me të folurën dhe pamjen e zymtë”.

Bajrami u vlerësua për portretizimin e Sophie -s në filmin e pavarur francez (2019) “Portret of a Lady on Fire”. Po atë vit, ajo luajti rolin e Emës në “Happy Birthday” të Cedric Khan, e cila u përqëndrua në një ribashkim të një familje, por që nuk funksionoi.

Në vitin 2020, u njoftua se Bajrami po bënte debutimin e saj regjisorial me filmin “The Hill Where Lionesses Roar”. Bajrami u nominua për “Aktorja më Premtuese” në César Awards 2020.

revista.one/