Luizi e nis ditën i përlotur, publiku ia hedh fajin produksionit (video)

Luizi është zgjuar sërish mëngjesin e sotëm në gjendje të rënduar emocionale. Teksa qëndronte i vetëm në oborr, këngëtari ka shpërthyer në lot.

Kjo nuk është hera e parë që ai shfaqet në këtë gjendje. Fansat e artistit shprehen të indinjuar se shkak i kësaj gjendjeje është malli që ai ka për familjarët e tij dhe se deri më tani Luizit nuk i është bërë asnjë surprizë.

Madje gjatë një bisede me Valbonën pak ditë më pare, ai u shpreh se e ka marrë malli për të ëmën e cila jeton në SHBA.

Gjithashtu gjatë “Prime”-t të djeshëm, Olta pati mundësinë nëpërmjet zarfit të kuq të dërgojë tre banorë në nominim të cilët ishin Kiara Bledi dhe Luizi ku ky i fundit nuk e ka pritur aspak mirë këtë vendim.

Video e BBV ka marrë mijëra reagime në rrjet, ku shumica i vënë përgjegjësi produksionit për situatën banorit të tyre të preferuar.

“Më duket se e ka luftën me produksionin.E ndjen se nuk do t’ia japin finalen…”, komenton njëri nga fansat. “Është lodhur i shkreti me padrejtësitë që i bën stafi”, shkruan dikush tjetër. “Ia shtrydhi shpirtin produksioni këtij…”, komenton admiruesi i tij. “Produksioni po mundohet të na bëjë ne për budallwnj…”, revoltohet dikush tjetër. revista.one/