Luizi e përshëndet në mes të koncertit nga Amerika, Kiara reagon nga Turqia

Luiz Ejlli dhe Kiara Tito “janë ndarë” për disa ditë, për shkak të angazhimeve të tyre në punë.

Teksa Kiara ndodhet në Turqi për xhirimet e emisionit “Kepi i Tundimeve VIP”, Luizi nga ana tjetër po ndjek koncerte të shumta nëpër botë. Destinacioni i tij i radhës është Amerika, ku ka mbledhur shumë shqiptarë që kanë shkuar ta shohin live.

Duke bashkëbiseduar me publikun, Luizi i dërgoi një përshëndetje Kiarës, duke u shprehur se e dinte që videot e tyre do të shpërndaheshin e ajo do ta shikonte këtë moment. Më pas, ai filloi të performojë këngën që i ka dedikuar asaj, ndërsa publiku shpërtheu në brohorima.

Sigurisht që kjo video shkoi deri tek Kiara, e cila e ka shpërndarë në InstaStory duke etiketuar partnerin dhe krahas emrit të tij i ka vendosur një zemër të kuqe.