“Mami, babi, ju duam shumë”, tenistja ukrainase e përlotur lë prindërit dhe shkon refugjate në Rumani

Tenistja ukrainase Diana Jestremska ka ndarë pamjet dhe fotot tronditëse që janë realizuar në momentin kur ajo la prindërit me motrën e saj për të shpëtuar nga Ukraina.

Në të gjithë Ukrainën mbretëron paniku për gjendjen e luftës. Njerëzit po përpiqen të largohen masivisht nga vendi, si shtetas të huaj ashtu edhe ukrainas.

Fatkeqësisht, nuk kanë mbetur shumë mënyra për t’i shpëtuar luftës. Diana dhe motra e saj arritën të gjenden në një traget mallrash që supozohej të largohej nga Ukraina.

“Pas dy netëve të kaluara në parkingun e nëndheshëm, prindërit e mi morën vendimin që me çdo kusht të më dërgonin mua dhe motrën time të vogël nga Ukraina! Mami, babi, ne të duam më shumë, kujdes! Unë e dua vendin tim! Ukrainas, shpëtoni jetën tuaj”, tha Diana Jastremska në Instagram me foto dhe video të lamtumirës prindërve të saj.

Në video shihet motra duke qarë duke përshëndetur prindërit e saj dhe e gjithë situata është mjaft tronditëse dhe e vështirë për t’u parë.

21-vjeçarja ukrainase ka lindur në Odessa, aktualisht është tenistja e 120-të në botë. Odesa është qyteti i tretë në Ukrainë për nga numri i banorëve, dhe është një nga qytetet e para në të cilin rusët kanë shkelur që kur forcat ushtarake të Federatës së Rusisë filluan zyrtarisht sulmin në Ukrainë.

Përmes fotografive, ajo tashmë ka njoftuar se ka arritur sigurt në Rumani. revista.one/