Menaxheri i Arilenës i bën dedikim romantik për ditëlindje: Urime drita e syve të mi

Këngëtarja e njohur shqiptare, Arilena Ara, feston sot (e shtunë) ditëlindjen e saj të 23-të.

Me këtë rast, ajo ka marrë urime të shumta nga miqtë, kolegët dhe familjarët e saj.

Por për një nga urimet më të përzemërta është kujdesur i dashuri i saj, Popi Kola, i cili vepron edhe si menaxher i artistes.

Megjithëse dyshja e mbajnë larg syrit të publikut lidhjen e tyre, ata nuk i kursejnë dedikimet e veçanta në ditët e rëndësishme të njëri-tjetrit.

Popi publikoi në llogarinë e tij zyrtare në Instagram një fotografi të Arilenës, të realizuar gjatë realizimeve të kopertinës së albumit të saj më të ri, “Pop Art”.

Në mbishkrimin e fotografisë, ai vuri në dukje dekadën e Arilenës në prezencën skenike.

“DEKADË! Ti tashmë je dekadë, dekadat janë të vështira (sidomos e para) thonë. Por nuk është rasti jonë, ne jemi shekullor! Gëzuar ditën e lindjes drita e syve të mi. Urime ditëlindjen Kido”, ka shkruar ai në mbishkrimin e fotografisë.

revista.one/