Meriton Mjekiqi konfirmon ndarjen, reagon menjëherë Ilnisa Agolli
January 11, 2025Meriton Mjekiqi i njohur për eksperiencën e tij në shtëpinë e Big Brother VIP Albania, ka komentuar së fundmi ndarjen e tij nga Ilnisa Agolli. Për ‘Prive’ ai e ka theksuar se gjithçka ka ndodhur në një mënyrë natyrale dhe reale.
Për sa i përket aludimeve në media lidhur me ndarjen, ai ka pohuar se ato janë “100% të vërteta”, por ka shtuar se arsyet e ndarjes mbeten private dhe të personalizuara. Meritoni nuk ka kursyer lavdërime për Ilnisën, duke e cilësuar atë si një grua të mrekullueshme, nënë të jashtëzakonshme dhe profesioniste të shquar.
“Unë kam qenë brenda asaj shtëpie, kam vepruar në mënyrën që unë jam ndjerë. Ka qenë shumë e bukur dhe realisht nuk do ndërroja as pikë dhe as presje. Si është pritur nga publiku është e tyre.
Ca të tjerë e kanë mirëpritur shumë mirë, ca të tjerë jo. Gjithçka ka qenë reale, kështu ka shku, kështu ka rrjedhë e kështu ka qenë. Aludimet janë 100% të vërteta, arsyet e ndarjes janë private, i uroj më të mirat Ilnisës, suksese, shëndet.
Është grua e mrekullueshme, nënë e jashtëzakonshme, profesioniste në punën e saj. Hapi për me u nda, pak ka rëndësi. Nuk ka shumë rëndësi, sa ka rëndësi që të jetë mirë dhe në jetën në vazhdim. Janë gjëra shumë private”, tha Meritoni.
E pas këtyre deklaratave ka reaguar edhe vetë Ilnisa.
Ajo ka publikuar një foto me bagazh, duke na lënë të kuptojmë se po ikën diku për pushime.
Më tej, Meriton Mjekiqi në intervistën e tij ka bërë disa deklarata në lidhje me marrëdhënien e tij me Romeo Veshajn. Ai ka pohuar se nuk ka pasur asnjë kontakt me Romeon , dhe nuk e di arsyen e distancës mes tyre.
Në një intervistë për Prive ai deklaroi: “Me Romeon nuk kam komunikuar, për arsye të cilat nuk i di dhe ndoshta ai jetën e tij dhe unë jetën time dhe nuk jemi parë në asnjë vend”.
Këto fjalë konfirmojnë edhe marrëdhënien distancuese mes tyre pas përfundimit të reality show. Raportet mes dy ish miqve ishin shumë të mira në fillim , por mesa duket kjo gjë ka ngelur në të kaluarën.
i ka treguar se ka pasur një bisedë telefonike me Eglën, e cila ishte shumë miqësore dhe pa ndonjë tension.
Meritoni ka thënë: “Fola në telefon me Eglën, i thashë përshëndetje nga një shok i vjetër në telefon, ishte një reagim interesant. E kemi lënë për një gotë vere, pa sherre.”
Duket se marrëdhënia mes tyre është tashmë e qetë dhe miqësore, pa asnjë lloj konflikti. Edhe pse të dy kanë kaluar momente të tensionuara gjatë qëndrimit në shtëpinë e BBVA, tani duket se kanë arritur të rregullojnë marrëdhënien e tyre dhe të lënë pas çdo mosmarrëveshje.
revista.one/