Në gjendje të rënduar emocionale, Gjesti konsultohet me psikologë brenda Big Brother

Gjesti dhe Egli Tako kanë pasur një bisedë të ashpër në ditën e sotme (e hënë) në Big Brother VIP Albania 4.

Në bisedë e sipër, Gjesti i thotë se ka qenë me psikologë për shkak të gjendjes së rënduar.

“Mbrëmë kam folur me psikologë në gjendje më të rëndë s’kam qenë kurrë”, iu drejtua banores.

Ajo ia ktheu në të njëjtën mënyrë, duke thënë se ka folur për rreth një orë me ta.

“Edhe unë kam qenë në psikologë dje, nuk ka qenë prej meje. Ke qenë prej Valbonës”, u shpreh ajo.

Duket se marrëdhënia e tyre tashmë është ftohur që në momentin që Gjesti zgjodhi Rizartën për të fjetur, si një sfidë nga Vëllai i Madh.

Egli duket më e vendosur për të mos u përfshirë emocionalisht në këtë situatë.

Më herët ajo i ka shpjeguar me qetësi se miqësia e saj me banorët e rinj është diçka normale dhe se i trajton të gjithë njësoj.

“U kam bërë ushqim për të ngrënë, ashtu siç të kam bërë ty kur ke ardhur dhe s’të kam njohur fare. Po të njëjtën gjë ia kam bërë edhe G Banit”, i tha ajo Gjestit.

Por, Gjesti e konsideroi këtë sjellje si të papërshtatshme, duke vijuar me pretendimet e tij. Egli, nga ana tjetër, nuk i dha shumë rëndësi komenteve të tij.

“Nuk më intereson fare çfarë mendon ti”, u shpreh ajo prerazi, duke theksuar se edhe nëse do të ishte në një lidhje, nuk do të mohonte miqësitë e saj për askënd.

Në fund, ajo nuk nguroi ta ironizonte Gjestin: “Vetëm kujdes, bëje gjumin rehat natën. Po të shoh vetëm duke lëvizur gjithë natën! Shijoje gjumin, mos u përpëlit nëpër krevat, nuk ta solli askush me zor Gocën”.

Gjesti u përgjigj: “Nuk dua të ta plasë zemrën”, ndërsa Egli e përfundoi debatin me një mesazh të qartë: “Të lutem, çoje lojën deri në fund, se mua nuk ma ndien më”. 
revista.one/