“Nuk më vjen turp për veshjen time, kaq mundësi kanë prindërit”/ Zbulohet letra e 17-vjeçares nga Gjirokastra…

Gjirokastra është tronditur nga vetëvrasja e 17-vjeçares Irsa Muçollari, e cila dyshohet se i dha fund jetës për shkak të bullizmit të vazhdueshëm që përjetonte në shkollë.

Ngjarja ndodhi dy ditë më parë, kur e reja, pasi ishte larguar tre herë nga shkolla atë ditë, u kthye në shtëpi dhe kreu aktin tragjik në dhomën e saj. Ajo la pas një letër prekëse, ku shprehte dhimbjen dhe vetminë e saj përballë shoqërisë që e përçmonte për shkak të paraqitjes së saj.

Në letrën e saj, të shkruar në anglisht dhe të fshehur në kapakun e celularit, 17-vjeçarja shkruante:
“O Zot, pse po vuaj kështu vallë? Unë jam kjo që jam dhe dua që shokët të më respektojnë. Por ata tallen me mua. Ndihem kaq e vetmuar dhe e mbytur në vetminë time… Kujt t’i drejtohem? Kujt t’ja hap zemrën time? Askush nuk më kupton.”

Kjo letër ka zbuluar arsyet e rënda që çuan të renë në këtë akt ekstrem, duke ngritur shqetësime mbi fenomenin e bullizmit në shkolla dhe ndikimin e tij të rëndë tek të rinjtë.

Autoritetet kanë marrë në pyetje stafin e shkollës “Siri Shapllo” dhe shoqërinë e saj, ndërsa ngjarja ka hapur një debat të gjerë mbi mbrojtjen e të rinjve nga bullizmi dhe rëndësinë e mbështetjes psikologjike.

revista.one/