Olta Gixhari i drejtohet Rezartit: Mashtrues që tallesh me sëmundje mendore

Mbrëmja e djeshme është shoqëruar me debate të shumta në “Big Brother VIP Kosova 3”. Opinionistja Olta Gixhari, ka kritikuar nivelin e fjalorit që Rezart Veleshnja po përdor brenda shtëpisë.

“Je mashtrues i paparë, e para për që je mashtrues është problem i yti, por që ti të tallesh me depresionin e dikujt, këtë nuk ta falë dot”, u shpreh ish-banorja e BBVA 2.

Kjo deklaratë nisi për shkak të një debati që Rezarti kishte me aktorin Besfort Daka.

Nga ana tjetër, aktori i përmendi disa gjëra Oltës, pasi e njeh shumë më para dhe kanë qenë në shkollë së bashku.

Ndërkohë, ish-banorja, Aria ishte e ftuar në spektaklin e natës së djeshme (e hënë), ku pati një përballje me opinionisten Olta Gixhari. Ish-konkurrentja e quajti atë bullizuesen më të madhe, madje me epitetin mbretëresha e kësaj.

“Nëse do të hapej një sondazh për bullizuese për Big Brother VIP Kosova Shqipëria ti do të kryesoje listën, do të ishe mbretëresha”, iu drejtua ajo.

Gixhari nga ana tjetër reagoi ashpër duke kërkuar nga Aria që t’ia gjejë një video apo diçka të tillë ku ka qenë bullizuese.

Kjo përplasje mes dyshes u ndërpre nga moderatorët, me mundësi sqarimi pas këtij spektakli.

revista.one/