Olta i drejtohet Kiarës: Vazhdoj të mendoj se Luizi nuk është për ty

Të sapomartuarit Kiara Tito dhe Luiz Ejlli kujtuan mbrëmë si nisi romanca e tyre brenda shtëpisë së “Big Brother VIP”.

Në një diskutim në “Post Big Brother”, çifti pranoi se në fillim nuk beson se do të lindte diçka midis tyre, por sikurse thanë, dashuria nuk pyet. Olta Gixhari nga ana tjetër, teksa tregoi si e ka parë romancën mes Kiarës dhe Luizit, u shpreh se asnjëherë s’ka menduar se këngëtari i përshtatet moderatores. Ajo mendon se lidhja mes tyre nuk do të zgjasë shumë.

Kiara: Në fillim, kam pasur dilemat e mia. Ajo që më afroi me Luizin ishte humori. Ia kam thënë që humori më afron edhe më shumë me njerëzit. Gjërat e tjera rrodhën.

Luizi: Unë kam qenë mosbesues për historitë e të tjerëve. Për vete, as nuk e kisha menduar dhe as e kisha në plan. Erdhi natyrshëm. Ende i jam mirënjohës për durimin që ka pasur se që të të qepet njeriu në atë lloj mënyre… deri diku është e bezdisshme. Edhe po të të ketë qejf një njeri, po t’i ngjitesh ashtu… Por unë nuk e kuptoja, kur më thoshte më lër, e dija që e kapte Olta.

Olta: Ditët e tretë ose të katërt që unë isha në rulotë, atëherë Kiarën e kisha shumë xhan (jo se tani nuk e kam). Ky (Luizi) na ndau. I thashë Luizit që nëse e do këtë gocën, nuk duhet ta dominosh në këtë mënyrë.

Kiara: Çështja është se ti një ditë thoshe diçka, një ditë thoshe diçka tjetër. Këto gjëra filluan të mos më pëlqenin te ty.

Olta: Po kjo është temë tjetër o Kiara

Kiara: Sepse i the Luizit na ndave. Ndërkohë, nuk na ka ndarë Luizi, na kanë ndarë gjërat që ti kë bërë

Olta: Ai mi na ka ndarë. Ta tha që e kapja sepse nuk doja të ma kapte Olta sepse do të ma hiqte. Dhe ka bërë shumë mirë, sepse unë do të të thosha gjithë kohës që ai nuk është për ty. Dhe unë vazhdoj e mendoj se nuk është për ty.

Luizi: Pse mendon se nuk jam për të?

Olta: Sepse nuk je ‘lifestyle’ (qesh)… se bëj shaka. Ju uroj jetë të lumtur realisht.

Arbana: Po ti herën e kaluar e quajte një martesë fiktive.

Olta: Unë e kam thënë dhe brenda, që nuk ju shoh në një lidhje afatgjatë. Fakti që ju uroj jetë të lumtur, nuk do të thotë se ju shoh në lidhje afatgjatë.